1. మా సదుపాయుము నిమిత్తమై సమస్తమును కలుగజేసిన తండ్రీ, మా రక్షణ నిమిత్తమై శరీరధారిగా వచ్చి ప్రాణ నమర్పణ చేసిన కుమారుడవైన తండ్రీ! మాకు కుమ్మరింపుగా అందిన పరిశుద్దాత్ముడవైన తండ్రీ! త్రిత్వదేవుడవైన తండ్రీ నీకు నమస్కారములు.

2. నీవు మాకు బోధకుడుగాను, రక్షకుడుగాను, పోషకుడవుగాను, వైద్యుడవుగాను, సర్వాంశ సహాయకుడుగాను, మోక్షదాయకుడుగాను బైలుపడినందున నీకు అనేక వందనములు. జ్ఞానముద్వారాను, సృష్టిద్వారాను, బైబిలుద్వారాను మాకు నిన్ను గురించి తెలియజేసికొన్నావు గనుక నీకు అనేక స్తోత్రములు.

3. నీ ప్రియకుమారునిలో మాకు కనబడినావు. గనుక నీకనేక స్తోత్రములు.

4. భూమిమీదనున్న సమస్తజనుల రక్షణార్థమై సంఘమును పాఠశాల గృహముగా నిర్మించినావు గనుక నీకు అనేక స్తుతులు.

5. నీవెంత పరిశుద్దుడవైయున్నను అయోగ్యులమైన మానవులమగు మా కూటములకువచ్చి, దర్శనమందు కనబడి మాతో ముచ్చటించుచున్నావు గనుకను, మా ప్రశ్నలకు సంతుష్టికరమైన జవాబులు వినిపించుచున్నావు.

6. తండ్రీ! సన్నిధి కూటముల విషయములు అందరకు తెలియునట్లు పత్రికలు మాచేత ప్రకటింపచేయుచున్నావు. గనుక నీకు అనేక స్తుతులు.

7. మాకు కలుగుచున్న అవమానములను, నేరాస్టపనలను మా విశ్వాస వృద్ధికొరకు, సర్వజనుల మేలుకొరకును, నీ మహిమ కొరకును మార్చగలవని నమ్ముచు నిన్ను స్తుతించుచున్నాము.

8. దేవా! కడవరి తీర్పు రాకముందు ప్రతివారికిని సుళువుగా బోధపడునట్లు నీ సువార్త అందించుదువని నమ్ముచు నిన్ను మహిమపరచుచున్నాము.

9. ఈ మా ప్రార్ధనలు భూమండలముకంటెను, ఆకాశమండలముకంటెను ఎక్కువగానుండి సవలమౌటకై నీ 'ప్రియకుమారుడను, మా ప్రాణ రక్షకుడునైయుండి అతిశీఘ్ర కాలములో రానున్న ప్రభువునుబట్టి ఆలకింతువని ఆనందించు చున్నాము. ఆమెన్.

అందరికి ఉచిత భోజన సదుపాయము కలదు.

మంచినీరు అందుబాటులో ఉండును.

పందిరి, స్టేజ్, లైటింగ్... పనులన్నిటి కొరకు, పనిచేయుచున్నవారి కొరకు ప్రార్థించండి.

దూర ప్రాంతములనుండి వచ్చువారి ప్రయాణ జాగ్రత్తల కొరకు,

వంట సామాగ్రి, భోజనశాల, వంటలు చేయువారు, సహకరించువారి కొరకు,

భోజనములు వడ్డించువారు, శుభ్రము చేయువారి కొరకు,

అందరి ఆరోగ్యము కొరకు, చురుకుగా పాల్గొనుటకు ప్రార్థించుదము.

పాప ప్రేరేపణ గలవారలారా! దేవుడు మీకు పాప విసర్జన శక్తినిచ్చి మిమ్మును దీవించును గాక!

అనారోగ్యవంతులారా! దేవుడు మీకు ఆరోగ్యమిచ్చి మిమ్మును దీవించును గాక!

లేమిగల వారలారా! దేవుడు మీకు కలిమినిచ్చి మిమ్మును దీవించును గాక!

బిడ్డలులేని వారలారా! దేవుడు మీకు శిశుదానము చేసి మిమ్మును దీవించును గాక!

భూత పీడితులారా! దేవుడు మీకు విముక్తిని దయచేసి మిమ్మును దీవించును గాక!

మందమతులారా! దేవుడు మీకు నిర్మలమైన జ్ఞానమిచ్చి మిమ్మును దీవించును గాక!

శత్రుబాధగల వారలారా! దేవుడు మీకు శత్రు బాధలేకుండా జేసి మిమ్మును దీవించును గాక!

అన్యాయము పాలగుచున్న వారలారా! దేవుడు మీకు న్యాయమనుగ్రహించి మిమ్మును దీవించును గాక!

బుణబాధగల వారలారా! దేవుడు మీకు బుణబాధ తీర్చి మిమ్మును దీవించును గాక!

యుక్త సమయమున పెండ్లి సమకూడని వారలారా! దేవుడు మీకు మంచి జత నేర్చరచి మిమ్మును దీవించును గాక!

కుటుంబ కలహములుగల వారలారా! దేవుడు మీ కలహములను ఆపుజేసి, ఐకమత్యత కలిగించి మిమ్మును దీవించును గాక!

నానా విధములైన చిక్కులు గలవారలారా! దేవుడు మీ చిక్కులను విడదీసి మిమ్మును దీవించును గాక!

దైవభక్తి కుదరని వారలారా! దేవుడు మీకు మనో నిదానమును, స్థిరభక్తావేశమును పుట్టించి మిమ్మును దీవించును గాక!

చదువరులారా! దేవుని యెడల అపనమ్మిక, భీతి, విసుగుదల, తొందరపడు గుణము, అనాలోచన, చింత, నిరాశ, మొదలగునవి మీలోనికి చేరకుండునట్లు దేవుడు మిమ్మును దీవించును గాక!

జీవాంతమందు మీకు మోక్షభాగ్యము లభించునట్లు దేవుడు మిమ్మును దీవించును గాక!

ఆమేన్ .