Convention Songs

దేవ త్రియేకుడా

దేవ త్రియేకుడా -ప్రభు దేవ త్రియేకుడా -కావుము దేవా
కార్యక్రమమున్ - జయముగ నడుపుము జయస్తోత్రార్హుడా ||దేవ||

1. దేవ వాక్కు నందించి - దేవదాసునకు నీవు
   బయలుపరచితివి -బైబిలు మిషనును ||దేవ||


2. తండ్రివైన మాదేవా - తనువుతో కాయుము సభన్
   తగు స్తుతులొందుము - త్రియేకుండా ||దేవ||


3. కుమారుడవైన కర్తా - కాపాడుము ఈ సభన్
   కరములెత్తి నిను - కొనియాడెదమిల ||దేవ||


4. పరిశుదాత్మ ప్రభో - పెండ్లి కుమార్తెను గాచి
   ప్రజల క్షేమము కొరకిది - నడుపుము ||దేవ||


5. ఆత్మ రూపిగా నుండి - అందించు వర్తమానం
   ఇహపరములలో - ధన్యత నొసగుము ||దేవ||

బైబిలు మిషను నాయకుడు

బైబిలు మిషను నాయకుడు - కలువరి నాధుని ప్రియసుతుడు ఫాధరు దేవదాసు

1. బైబిలు మిషను పాఠశాలలో - సన్నిధి కూటపు
   సముదాయములో - సరిపడుము మది స్ఠిరపడుము|| బైబిలు ||


2. ఆది ప్రవక్తలు అనుభవించని అద్భుతము - మహా
   అద్భుతము - కనుగొనుము మది త్వరపడుము || బైబిలు ||


3. ఎఫ్రాయీము మన్యములో - యేసు ప్రభువు తన
   శిష్యులతో మాట్లాడిన ఆ మర్మమిదే || బైబిలు ||


4. ముద్రించుకొను భద్రము చేయు - ముద్రాక్షరశాల
   యిదేగా - ముద్రల వివరము తెలుపునుగా || బైబిలు ||


5. మేఘములోనే వేగము తెలిసి - మేఘనాధుని
   రాకడకొరకై - సిద్ధము చేయు సంఘమిదే || బైబిలు ||


6. ఎన్నో మిషనులు ఉన్నవి - భువిలో సన్నిధి నేర్పిన
   సద్గురు వెవరు - సన్నిధి పరుడగు ఈ గురువే || బైబిలు ||


7. ఆరోహణ బలమిచ్చుట కొరకు - మరుగైన శరీర
   రక్తములు - ప్రభువే స్వయముగా అందించున్ || బైబిలు ||

వ్రాయబడెన్ గాలిలో

వ్రాయబడెన్ గాలిలో బైబిలు మిషనను
నామమును వ్రాసిన ఆత్మకు స్తోత్రములు|| వ్రాయ ||

1. ఆది వ్రాతగల ధర్మశాస్త్రమును - వ్రాసెను మన తండ్రి
   యెహోవా - నాటి ప్రవక్త మోషే ద్వారా బైలు పర్చె నిశ్రాయేలీయులకు || వ్రాయ ||


2. మన తండ్రి యెహోవా నాడు - జన్మించెను క్రీస్తు
   బాలునిగ - బహు ప్రేమతో ఆ ధర్మశాస్త్రమును - వ్రాసె నేలపై బయలు పర్చెను || వ్రాయ ||


3. పరిశుద్ధాత్ముని హస్తమే గాలిలో - వ్రాసెను బైబిలు
   మిషనను పేరును - బయలు పర్చెను ప్రవక్తద్వారా
   నమ్మిన వారికి ధన్యకరముగ || వ్రాయ ||


4. స్థాపించెను ప్రభు - బైబిలు మిషనును - స్థాపించెన్
   ప్రభు ప్రవక్త ద్వారా - స్థాపన వెంబడి వ్యాప్తి చేయున్
   జూపెను గాలిలో దాసయ్యకు || వ్రాయ ||


5. క్రైస్తవులలో కొందరీ మిషను - కట్టుకొనిరి ప్రభు
   వ్రాతను బట్టి - కనికరించిన తండ్రి ప్రేమను - తలచి
   స్తుతించుచు బ్రతుకుట కొరకు || వ్రాయ ||


6. అందెను మన జ్ఞానమునకు ప్రభువు - ఆశ్చర్యకరమైన రీతిగ
   ఆనంద దేశం చేర్చెడి మహిమ - మేఘము నెక్కించెడి కృపకొరకె || వ్రాయ ||


7. బైలుపడిన నీ వాకే సృష్టి - బైలుపడిన నీ వాక్కే బైబిలు
   బైలు పడిన నీ వాక్కే సంఘము - బైలుపడెను బైబిలు ప్రవక్తకు || వ్రాయ ||

నీ సన్నిధి నిలుపు

నీ సన్నిధి నిలుపు-నాలో నీ సన్నిధి నిలుపు
నీ ఆజ్ఞలన్నియు అనుసరించు అత్మను నాకిమ్మయ్యా ||నీ|

1. విశ్వాస నేత్రములు - వీక్షించుచున్నవి నిన్ను
   వున్నది వున్నట్లు చూచి - సన్నుతించునట్లు ||నీ||


2. దీనులను హెచ్చించి - అనాధలను దీవించి
   దీన హృదయ నాదములు విన వీనులనొగ్గుము దేవా ||నీ||


3. ఆపదలే యేవేళ నన్నావరించుచుండ -నీ సన్నిధి
   నా దాగు చోటని - ఆతుర పడుచునుండు ||నీ ||


4. మానవ జన్మమె చిత్రం - నీ కార్యములే విచిత్రం
   నీ జీవమును నా జీవమునకై - దారబోసిన దేవా ||నీ||


5. నీ రొమ్మున ఆనుకొనుటే - నాకున్నవి మరచి చనుట
   వెనుకున్న వాటిని లక్ష్యపెట్టక ముందునకు నడిపించు ||నీ||


6. రాకడ ద్వనులే భువిలో - ఎటు చూచిన వినబడుచుండు
   నన్ను నా జనాంగములను సిద్ధపరచుము దేవా ||నీ||


7. లోకములో నేనుంటి - బలహీనపు ఘటమై యుంటి
   నన్ను నేనే నమ్మనట్టి - దేహములో నేనుంటి ||నీ||


8. నీ ఆజ్ఞలను పాటించి - బైబిలు మిషనును స్థాపించి
   బైబిలు మర్మములన్ని - మాకు విపులముగా బోధించు
   యం. దేవదాసు అయ్యను మాకు బహుమతిగా నిచ్చితివి ||నీ||


9. వృద్దాప్యములో తానుండి - మా బాధలలో పాలొంది
   మా దుఃఖములను ఓదార్చి నీ సన్నిధి నేర్పిచి - మా తండ్రి
   ఆత్మను మాతో నుంచి మము నడిపించుము దేవా ||నీ||

పెండ్లి కుమారుని రాకకు

పెండ్లి కుమారుని రాకకు -పెండ్లి కుమార్తె మేలుకో
పెండ్లి పిలుపు నందుకో -పెండ్లి విందులో చేరుకో
పెండ్లి కుమారుండగు శ్రీ యేసుని మది దాల్చుకో ||పెండ్లి||

1. బైబిలు సిద్ధాంతము అభివృద్దికి తెచ్చిన
   బైబిలు మిషనుకు - యం. దేవదాసు ముఖ్యులు ||పెండ్లి||


2. సన్నిధి కూటంబులు - ఎన్నికగా స్థాపించెను
   అన్ని మిషనుల వారికి - కన్నుగ నెలకొల్పెను ||పెండ్లి|


3. అంత్య దినములందున - అంతులేని ఆత్మను
   అందించిన తండ్రికి -వందనములర్పించుము ||పెండ్లి||


4. శుద్ది చేయుచు వధువును -సిద్ధపరచు - సన్నిధి
   వృద్ధిలో నడిపించును -దిద్దును సరిచేయును ||పెండ్లి||


5. వరుడు తానే స్వయముగా -వరములిచ్చును వధువుకు
   కొలతలేని ఆత్మతో - కొరతలన్నియు తీర్చును ||పెండ్లి||


6. సృష్టిని లోపరచును - దుష్టుని జయించును
   నష్టమేమియు లేకను - జ్యేష్టులనుగా జేయును ||పెండ్లి||


7. గతవత్సరములలో - అదుపులో మమ్ముంచెను
   పిదప జరుగు కాలము-విజయమేమరి విజయము ||పెండ్లి||

రాకడ సంఘమా

రాకడ సంఘమా - మేల్కొనుమా
క్రీస్తు ప్రభుని రాక కనుగొనుమా
రక్షణ కలదని - గ్రంథములు - వ్రాసిరి
పోపులు పూర్వమున పాప పరిహార పత్రికలమ్మి
సంపాదించిరి ద్రవ్యమును || రాకడ ||

1. పత్రము వలననే రక్షణయు - లేదని
   లూధరు కనుగొనెను వేషధారణ బైలుపరచి
   ఈ - సంఘము నాయన సరిదిద్దెన్|| రాకడ ||


2. నేటి సమయమున సంఘములు - పేరుకు మాత్రమే
   సంఘములు సంఘమునకు తగు తర్ఫీదు నీయను
   అవతరించెనొక సజ్జనుడు || రాకడ ||


3. బైబిలు మిషనను నామమున - రాకడ సంఘము
   వెలసెను సంఘనాయకుడు దేవదాసుడు
   భువియందు ఆత్మ స్వరూపుడు || రాకడ ||


4. సన్నిధి కూటము స్థాపించి - దైవ సన్నిధికి
   నడిపించి సిద్ధము చేసెను దాసుడు మనలను
   రెండవ రాకడ కొరకు సుమా || రాకడ ||

గాలిలో పయనించె

గాలిలో పయనించె - బైబిలు మిషను కన్నెకా
గాలిలో పుట్టి రాజమండ్రిలో దాసుని హస్తము చేరి
మారితివా గుంటూరునకు బేతేలు గృహమునకు ఏర్పరిచితివా
కాకానిలో రోగులకై స్వస్థశాల బాగుపడిన రోగులజూచి
నాస్తికులే నిను నమ్మును ||| గాలిలో ||

1. పరమపురి సన్నిధి ఆస్తి దస్తావేజులో యేసు వ్రాసిచ్చెను
   'బైబిలు మిషనుకు' దాసుకు కవచంబుగా సాతానుని శ్రమల
   విముక్తికి రాకడకెగురుట కొఱకు సాధనమిదియె -
   కనబడి మాట్లాడేది తండ్రిన్ కలవన్ ||| గాలిలో ||


2. ఒరిస్సాలో యేసు ద్వారా దైవజనుడు రాజన్ అడవిమనిషి
   అడవికి పొమ్ము అని పలికెనుగా దాసు మాటమూటను
   కరము ధరించి తిరిగే రాజు అరణ్యం కొండ కోనలలోన
   రాకడ కెకవేసి పిలిచె||| గాలిలో ||


3. పరుగులు తీసిరి పరవశంతో పిలుపుదరికి జనులు ప్రకటించెను
   యేసయ్యను - ఎంతో వింతగ రాజు ప్రచార బాబుగా మారి
   తండ్రి మహిమ వెల్లడించె రాజున్ స్థాపించెన్ బాగ్
   లౌవుడులో బైబిలు మిషనును సన్నిధిన్ ||| గాలిలో ||


4. ఈ మిషను సభ్యులెందరు గలరు అదియు నింత లక్షలకొలది
   ఋషులేగాక - 'కైలాషఋషి' యును సుందరసింగు
   లౌడులో బైబిలు మిషనును సన్నిధిన్
   సుదర్శనులు ఆత్మ సంచార భక్తుల్ అంతికేన గాక
   ఆది ప్రవక్తలు అపోస్తలలీ మిషనే||| గాలిలో ||


5. లెక్కకు మించి లోకములోన మిషనులెన్నో వుండగన్
   ఏక దేవుడు 'రాకడ' వధువున్ బైబిలు మిషను గదిలో
   శిక్షణ జరిపి అక్షయుడేసున్ పై అంతస్తులో కలువన్
   మొదటి తరగతి బోగీ యిదియే వేగముగా నెక్కండి ||| గాలిలో ||


6. అనవరతము నీ సన్నిధి పరుడు అస్కలిత బ్రహ్మచారి
   రాగరంజిత రబ్బీ యేసుని రొమ్మున ఆనినవాడు
   యోహానువలెనే యేసుని ఎదలో తపముతో ఎదిగినవాడు
   మరిపెమునకు ముద్దుబిడ్డగు దేవదాసుని దరికి ||| గాలిలో ||

విజయ గీతం పాడుడి

విజయ గీతం పాడుడి - దేవుని బైబిలు సంఘమునకు
77 యేండ్లగల - యౌవన దశలో నున్నది ||| విజయ ||

1. ఆకాశమున మాటలతో - ఈ సంఘంబు వెలసినది
   దివినున్న దేవుడు భువికి వార్త పంపెను||| విజయ ||


2. ఈ సంఘమునకు స్థాపకుడు - దేవునికి ప్రియదాసుండు
   ఆ దాసుండే మన దాసుండు - ఫాదర్ దేవదాసండి ||| విజయ ||


3. గురుతుల కాలము వచ్చినది - రాకడ సమీపించినది
   పెండ్లికుమారుడు దివినుండి - భువికి పయనంబాయెను||| విజయ ||


4. సన్నిధి కూటములలో తానే - స్వయముగ దర్శనమిచ్చెను
   పెండ్లికుమార్తె సంఘమా - వేగముగా ఇక మేల్కొనుమా ||| విజయ ||

నీ సన్నిధి కోరునట్టి

నీ సన్నిధి కోరునట్టి మానవుడే ధన్యుడు నీ సన్నిధి కల్గియున్న ఆ నరుడే ధన్యుడు ||నీ||

1. పాపములను పడగొట్టును - నీ పాద సన్నిధి
   శాపములను హరించును - శక్తిగల్గిన సన్నిధి ||నీ||


2. చిక్కులను విడగొట్టును - నీ పాద సన్నిధి
   చింతలను దీర్చునది చిత్రమైన సన్నిధి ||నీ||


3. వ్యాధులను పోగొట్టును - నీ పాద సన్నిధి
   బాధలను బాపితుదకు - మోదమిచ్చు సన్నిధి ||నీ||


4. రుణములను రద్ధుపరచు - నీపాద సన్నిధి
   రణములను మానుపునది - రమ్యమైన సన్నిధి ||నీ||


5. పడకుండా చేయునది -నీపాద సన్నిధి
   నిరతము నడిపించునది - దివ్యమైన సన్నిధి ||నీ||


6. మచ్చలను మానుపునది - నీ పాద సన్నిధి
   ముడుతలను సరిచేయును - ముచ్చటైన సన్నిధి ||నీ||

ఓహొ పావురమా

ఓహొ పావురమా - పరమ పావురంబు తోడకూడి - ఎగురవే ||ఓహొ||

1. పావురమా పరమ - పావురమే క్రీస్తు - పావురమా
   వరుని వదలకుండ - వధువువైతివి - ఎగురవే ||ఓహొ||


2. బండసందులలో - కొండ బేటలలో - అండయౌ
   జీవ జలము - నందు జలకమాడి లేచి ఎగురవే ||ఓహొ||


3. మధురంబు నీ స్వరము - మనోహరము ముఖము
   ముదమారచూడ ముద్దు - మోము చూపి దిగులుపడక ఎగురవే ||ఓహొ||


4. కష్టంబు లొదలినను -కరువులే వచ్చినను
   నష్టంబే కలిగినను - నలిగి అలిగి కలతపడక ఎగురవే ||ఓహొ||


5. పరమ పావన స్వరము - నిరతంబు వినిపింపు
   మరి ప్రార్ధనా స్తొత్ర మహిమ బోధ - స్వరములతో ఎగురవే ||ఓహొ||


6. ప్రభువైన యేసు త్వరగా - రమ్ము రారమ్మటంచు
   ప్రబలంబుగా స్వతంత్ర-ప్రార్ధనా స్వరంబు తోడ ఎగురవే ||ఓహొ||


7. ఇదిగో ప్రభువైన యేసు-ఎగిరి వచ్చు నటంచు
   ముదముగ నెల్లవారి ముఖ్యబోధ స్వరముతోడ ఎగురవే ||ఓహొ||


8. ఎగిరి వెళ్ళు పావురమా - ఏది అడ్డంబు నీకు - ఎగిరి ఎగిరి
   పరమ యెరూషలేము పురము జేర ఎగురవే ||ఓహొ||

పావురమా పరలోక

పావురమా పరలోక జీవమునిచ్చిన పావురమా|
నిత్య జీవము నిచ్చిన పావురమా | పా| |

1. అనాది నుండిన ఓ పావురమా - పునాది వెసితి వీ భువికి వినోద
   మైన సృష్టిని చేసి - జనాంగముల కప్పగించితివా | | పా | |


2. జీవము నిచ్చిన - పావురమా - త్రోవను జూపిన పావురమా
   గావుము నామది - స్తుతిగానంబులు - సేవలో నడుపు ఓ పావురమా | | పా | |


3. జ్ఞానము నిచ్చెడి పావురమా - దానమునిచ్చెడి పావురమా
   గానము చేసెద ఓ పావురమా - పావనునిగ జేసెడి పావురమా | | పా | |


4. వరముల నొసగెడి ఓ పావురమా - స్వరముతో బిలిచెడి పావురమా
   నిరతము నీ సన్నిధిలో నుండిన కొరతలు దీర్చెడి పావురమా | | పా | |


5. పొదలో మండిన ఓ పావురమా - నదిలో మండిన పావురమా
   గదిలో మండిన ఓ పావురమా - హృదిలో మండి మదివెలిగించుము | | పా | |


6. బైబిలులో ప్రవక్తల నెల్ల - బలముగ నడిపిన పావురమా
   విభజించితివి లోకమునుండి బలపరచిన ఓ పావురమా | | పా | ||

యెహొవాను గానము

యెహొవాను గానము చేసెదము ఏకముగా - మనకు
రక్షకుడాయెనే - ఆయన మహిమ పాడెదము -
ఆయనను వర్ణించెదము - ఆయనే దేవుడు మనకు || యెహొ||

1. యుద్ధశూరుడేహొవా -నా బలము నా గానము
   నా పితరుల దేవుడు -ఆయన పేరు యేహొవా 2 ||యెహొ||


2. ఫరో రథముల సేనలను -తన శ్రేస్ఠాధిపతులను
   ఎర్రసముద్రములోన - ముంచివేసె నెహొవా 2 ||యెహొ||


3. నీ మహిమాతిశయమున - కోపాగ్ని రగులజేసి
   చెత్తవలె దహించెదవు - నీపై లేచువారిని 2||యేహొ||


4. దోపుడు సొమ్ము పంచుకిని - ఆశ తీర్చుకొందును
   నాకత్తి దూసెదను - అని శత్రువనుకొనెను 2 || యేహొ||


5. వేల్పులలో నీ సముడెవడు -పరిశుద్ధ మహనీయుడా
   అద్భుతమైన పూజ్యుడా - నీవంటి వాడెవడు? 2||యేహొ||


6. ఇశ్రాయేలీయులంతా - ఎంతో సురక్షితముగా
   సముద్రము మధ్యను - ఆరిన నేలను నడచిరి 2||యేహొ||