Category: iiBM

ఆదికాండము 2:1. ఆకాశమును భూమియు వాటిలోనున్న సమస్త సమూహమును సంపూర్తి చేయబడెను.

ఒక్కొక్కరి అధికారమును బట్టి, జ్ఞాన పరిధిని బట్టి విషయపరిజ్ఞానముండును. ఉదాహరణకు మహాసభల కన్వీనర్ దృష్టిలో మహాసభ ఏర్పాటులు అనగా “స్థలము సిద్దం చేయుట, పందిరులు వేయించుట, భోజన సదుపాయములు, బస ఏర్పాటులు, సభల ప్రోగ్రాం రెడీ చేయుట…మొదలగు అనేక భారమైన పనులన్నీ ముగించి; వచ్చిన భక్తులందరిని హోస్ట్(ఆతిధ్య సదుపాయములు) చేయగల యంత్రాంగమును సిద్ధము చేయుట”.

ఆదికాండం 2:1 లో రెండు విషయములు ఇమిడి ఉన్నవి. రెండు ఒకదానికి ఒకటి విరుద్ధమైనవి. కాని ఒకటి మరొకదానిని నిరూపించుచున్నది.

సభలను గూర్చి రెండు వ్యూస్ తీసుకుంటే

1. కన్వీనర్ సభల ఏర్పాటు సమస్తమును నిర్వహించుట

2. విశ్వాసి సభలో మంచి వాక్యము విని, తృప్తిగా భోజనం చేసి ఆనందముతో తిరిగివెళ్ళుచుట.

ఇక్కడ కన్వీనర్ పని వేరు, విశ్వాసి పని వేరు. కాని సభ ఒక్కటే. సభల అంతరంగ పరిధిని ప్రతి బైబిలుమిషను విశ్వాసి అందుకోగలరు.

1. దేవుడు ఆకాశమును భూమియు వాటిలోనున్న సమస్తమును నిర్వహించగల(హోస్ట్) సమూహమును సంపూర్తి చేయుట

2. తెలుగు ట్రాన్స్లేషన్ ప్రకారము ఆకాశమును భూమియు వాటిలోనున్న సమస్తసమూహమును సంపూర్తి చేయుట.

సభల విషయానికి వస్తే, విశ్వాసి మంచి వాక్యము, భోజనము అందుకొంటే, కన్వీనర్ ఈ సదుపాయములను సంపూర్తి చేసిరని అర్థము.

పై పరిచయముతో సభలవిలువను గమనిస్తే, సభ అనగా అన్ని సంఘములను హోస్ట్ చేయగల సైన్య సమూహము. దేవుడు బైబిలు మిషనును అందులోగల సమస్త వాగ్ధానములను, మర్మముల వివరములను సంపూర్ణముగా వివరించెను. ఆదిసంఘమైన రోమన్ కేథలిక్, బైబిలును వెలుగులోనికి తెచ్చిన లూధరన్ మిషను, బైబిలును అభ్యసించుచున్న అనేక మిషనులకు ఆఖరి పాఠ్యాంశముగా దేవుడు బైబిలు మిషనును బైలుపర్చెను.

బైబిలు మిషను పరిధిలోని కొన్ని అంశములు

1. ఏడు లోకముల పాఠము, ఏడు మెట్ల ప్రాక్టీసు తో తెలుసుకొనుట

2. దైవ సన్నిధిలో దేవునితో సంభాషించుట

3. ఈ రాకడ సమయములో ప్రపంచ సంఘములకు దైవ వాక్య కార్యములను నిరూపించుట

4. క్రీస్తు ప్రభుని వాక్యమైన బైబిలు మాటలు, దైవమత శక్తి, క్రైస్తవ జీవన శైలిని క్రమమైన రీతిలో అభ్యాసములో పెట్టుట

5. దైవాకాంక్ష కలిగిన అన్ని మతములకు, సంఘములకు ఆహ్వానమందించి దైవ మర్మములను వివరించుట మొదలగు గొప్ప కార్యములు.

దేవుడు స్థాపించిన మిషనులోనికి కొందరు భక్తులు అన్నీ వదులుకొని వచ్చివేసి మిషనును కట్టుకొనిరి. సమస్తమును వదులుకొని మిషనులోనికి వచ్చివేసిన భక్తుల పిల్లలకు సమస్త సదుపాయములు దేవుడు ఇచ్చివేసెను. ఆత్మపూర్ణులైన భక్తులు మిషను ఉనికి పట్టుకు పోవుచున్నారు. 

A. సభల బహిరంగ రూపము: అనుకూల ఘటనలు

• అధికారులు సభల ఏర్పాటులు సంపూర్తి చేయుట

• విశ్వాసులు క్రమముగా పాల్గొనుట.

వీరు సభలలో లీనమైన వారు. మిషను పని.

B. అసందర్భ ఘటనలు:

• వ్యాపారవేత్తలు స్టాల్స్ పెట్టి జీవనోపాది కొనసాగించుట

• ఇతర ట్రాన్స్‌పోర్ట్ వారు

వీరికి వ్యాపారం బాగుగా జరిగితే సభలు ఘనంగా ఉన్నట్టు … ఇది అసంధర్బ విష్లేషణ.

C. ప్రతికూల ఘటనలు:

• భోజనం, సాంబారులో ముక్కలు ఎక్కువ పడలేదని అలిగి వెళ్ళిపోయేవారు

• ఇంటెర్నెట్‌లో ఏదో ఊహించుకొని మిషను అంటే ఏంటి? అక్కడ బట్టలు కుడతారా అని ఎగతాళీ చేసేవారు.

వీరు అసలు కాంటెక్ష్ట్‌లో లేనివారు. వీరి వెనుక వెళ్ళేవారు “పెండ్లి భోజనం మానేసి పెంట దగ్గర పారేసిన విస్తర్లకోసం కొట్టుకొని కరుచుకుంటున్న కుక్కలాట చూచుటకు పెరిగెత్తు పిల్లల” వంటివారు.

కాబట్టి బైబిలుమిషను విశ్వాసి ప్రభువు మహిమను, మిషను పరిధిని, ప్రణాళికను, ప్రభోధమును గుర్తించగల ఆత్మను కలిగి ప్రభువు పనిలో నిమగ్నమై ముందుకు సాగు కృప అందరికి దయచేయును గాక.

ప్రార్థన: ప్రభువా! సర్వమతముల వారికి నీ శుభవార్త అందించుము!

మత తర్కములు, మిషను వివాదములు, తప్పుడు బోధలు, పాపశోధనలు, పాపమువలన కలుగు నష్టములు వీటినుండి మమ్మును తప్పించుము.

అన్ని కార్యములు మీ మహిమార్థమై జరుగునట్లు మీ కృపను అనుగ్రహించుము. ఆమేన్.

ఆదికాండము 2:1 లో సర్వము లిఖితమైయున్నది. ఆకాశములు, భూమి, వీటిని నడిపించు సమస్త సైన్యసమూహము ఈ వచనములో గలవు.

ఇంగ్లీష్‌లో హోస్ట్ అనే పదమునకు సరైన తెలుగు బిబ్లికల్ పదము దొరకలేదు. బైబిలులో సైన్యము, సమూహము, పట్టుకొమ్మ అను పదములు ఉపయోగింపబడెను. కావలి, రక్షణ, భరించు, మోయు, సహించు అను అర్థము కూడ దాగి ఉన్నది.

ప్రభువు సిలువపై సమస్తమును భరించి, సమాధానపరచి, విశ్వాసులకు సర్వాధికారమునిచ్చెను. విశ్వాస సైన్య సమూహమునకు జన్మనిచ్చు ఏకైక ఆశ్రమము సిలువ.

ప్రభువు సిలువ చెంత ఉన్న శిష్యులు భూదింగంతములవరకు వెళ్ళి భూమిని తలక్రిందులుగా చేసిరి.కొన్ని వేల సంవత్సరములనుండి సతమతమౌతున్న సమస్యలను సువార్తతో సమూలముగా పరిష్కరించిరి. సిలువలోని శక్తి అటువంటిది. సిలువను భరించుట దైవశక్తిని ధరించుట అను అనుభవము ప్రతి విశ్వాసి కలిగియుండును.

ప్రభువైన యేసుక్రీస్తు సమస్తమును తన సిలువ ద్వారా జయించి మనకు అధికారమిచ్చెనని, సిలువ ధ్యానము సంతోషమును, సమాధానమును కలుగజేయును అను సత్యమును మన అనుభవములోనికి తెచ్చుకొందుము గాక!

కొలస్సీ 1:20 ఆయన సిలువరక్తముచేత సంధిచేసి, ఆయనద్వారా సమస్తమును, అవి భూలోకమందున్నవైనను పరలోక మందున్నవైనను, వాటినన్నిటిని ఆయనద్వారా తనతో సమాధానపరచుకొన వలెననియు తండ్రి అభీష్టమాయెను. హెబ్రీ 12:2 మనముకూడ ప్రతిభారమును, సుళువుగా చిక్కులబెట్టు పాపమును విడిచిపెట్టి, విశ్వాసమునకు కర్తయు దానిని కొనసాగించువాడునైన యేసువైపు చూచుచు, మన యెదుట ఉంచబడిన పందెములో ఓపికతో పరుగెత్తుదము. ఆయన తనయెదుట ఉంచబడిన ఆనందముకొరకై అవమానమును నిర్లక్ష్యపెట్టి, సిలువను సహించి, దేవుని సింహాసనముయొక్క కుడి పార్శ్వమున ఆసీనుడైయున్నాడు.

ప్రభువునకు గల ప్రత్యేకత సిలువ ఘట్టము. ఆ 7 వారములు(పస్కా నుండి ఆరోహణమువరకు) సమస్త సైన్య సమూహము (సృష్టి, దేవదూతలు, పరలోకము, నరలోకము, పాతాళలోకము) స్పందించిన విధము ఒక ప్రత్యేకమైనది. మరణము, కావలిగల సమాధి, పునరుత్ధానము, ఆరోహణము ఎంత ఏకైక ఘట్టములో రాకడ కూడ మన ఊహకు అందని రక్షణ ప్రక్రియ.

సైన్యములకు అధిపతియైన దేవుని సమూహములో ఇమిడి యుండుటకు సుళువైన సిలువను భరించు హృదయమును దేవుడు మనకు దయచేయునుగాక!

ఫిబ్రవరి 26, భస్మ బుధవారము నుండి సిలువధ్యానములు ప్రారంభము. ఏప్రిల్ 10, మంచి శుక్రవారము. ఏప్రిల్ 12, పునరుత్ధాన పండుగ. మే 21, ఆరోహణ పండుగ. మే 31, పెంతెకోస్తు పండుగ.

మొట్టమొదటి రాజధాని ఏదేనును మానవుడు కోల్పోయిన తర్వాత దేవుడు బేతేలును రాజధానిగా బైలుపర్చి ఇశ్రాయేలును దర్శించెను.

బేతేలు పాడైపోయినపుడు, దేవుడే స్వయముగా స్థాపించిన సువార్త అను సీయోను రాజధానిలో ఇప్పుడున్న అన్ని దేశములు నూతన రూపము దాల్చి మనుగడ సాగించుచున్నవి.

రాకడకు చివరి సూచనయైన “యెరూషలేము ఇశ్రాయేలు రాజధాని” అనునది కూడ ఈమద్యనే నెరవేరినది.

సువార్త ఫలములు అందుకొన్న దేశములు సీయోనుకు పోటీగా బబులోను(ఆర్ధిక,ఎంటర్టైన్మెంట్,టెక్నాలజీ మార్కెట్) అను మహా రాజధానిని నిర్మించుచున్నవి.

అయితే ఇక్కడ ఒక ప్రాముఖ్యమైన విషయమేమిటంటే, “నూతన యెరూషలేము అను దేవుని రాజధాని”, సువార్త(సీయోను) లోనుండి మర్మముగా నిర్మించబడుచున్నది.

నూతన యెరూషలేమును గుర్తించలేని విశ్వాసికి పరలోకపు విందు లేదు. నూతన యెరూషలేము అనగా వధువు సంఘము. వధువునకు గల అలంకారము శ్రమలలో దేవుడిచ్చిన విజయములే. శ్రమలేకుండా విజయములేదు, విజయము లేకుండా మహిమలేదు..

సువార్త నిమిత్తము అన్యాయముగా శ్రమలు అనుభవించుచున్న వారిని గూర్చి దేవునికి ప్రార్ధించి, వధువును పరామర్శించుట దేవుని చివరి రాజధానియైన నూతన యెరూషలేమును (వధువు) కట్టుటయే.

వధువును చూచి పరిహసించువాడు పెద్ద పాష్టరైనను వారి జీవితము చివరికి అంధకారమే.

మన దృష్టి బబులోను మీద నుండి వధువు అను రాజధానికి మారును గాక!

ఇకమీదట సువార్త నిమిత్తము హింసింపబడుచున్న “నూతన రాజధానియైన వధువు” నకు విశ్వాసులద్వారా దేవుడు ఆధరణ కలుగజేయును గాక!

ఈ చివరి రోజులలో వధువు సంఘము ద్వారా దేవుడు తన ప్రజలను రక్షించుచున్నాడు. కావున శ్రమలను అలంకారాముగా ధరించుకొనుము. దేవుడు తప్పక మహిమ పర్చును.

మరనాత.