(యం. దేవదాసు అయ్యగారి ఉపదేశములు)

10. సన్నిధి వన్నె చక్రము

---

సన్నిధి చార్టు ముగింపు

• 1. ఆది. 4:12-14
• 2. నిర్గమ. 33:14 సన్నిధికి దైవజనులుకూడ వచ్చును.
• 3. నిర్గమ. 3:15 సన్నిధి విధాయకముగా వచ్చును.
• 4 నిర్గమ. 25:30 నిత్య సన్నిధిలో సన్నిధి రొట్టెలు వాడుక, సముఖపు రొట్టెలు సన్నిధియందు ఆ రొట్టెలు ఉండెను లేవీ. 22:2. అపవిత్రుడు పవిత్ర వస్తువును సమీపించకూడదు. సమీపించిన దైవసన్నిధిని అతడు కొట్టి వేయబడును. నిర్గమ. 25:30 నిత్యము ఆయన సన్నిధిని రొట్టెలు ఉండవలెనని ఆజ్ఞ.
• 5.1దిన. 5:16-24 సన్నిధిలో ఘనతా ప్రభావములుండును.
• 6. 1దిన. 16:33 సన్నిధిలో చెట్లు సంతోషించును
• 7 యోబు. 1:12వ. దేవుని సన్నిధిలోనుండి రెండవ కయీను అయిన (సహోదరునిమీద చాడీలు చెప్పువాడు) సాతాను వెళ్ళిపోవుట.
• 8. యోబు. 2:7 రెండవ కయీను అయిన (సహోదరునిమీద చాడీ చెప్పువాడు) సాతాను దేవుని సన్నిధిలో నుండి వెళ్ళిపోవుట.
• 9. యోబు. 23:15 సన్నిధిని భయపడు భక్తుడు మనకిప్పుడు లేడు. ఎందుకంటే దేవుడు మనిషైనాడు గనుక.
• 10. కీర్తన. 16:11 సన్నిధిలో పూర్ణానందము
• 11. కీర్తన. 17:2 సన్నిధిలో నుండి న్యాయమైన తీర్పు వచ్చును
• 12. దా.కీర్తన. 31:20 భక్తులు సన్నిధిలో దాగుకొని యుందురు.
• 13. దా.కీర్తన. 11 భక్తులు నీ సన్నిధిలో నుండి త్రోసివేయబడుదురు.
• 14. దా.కీర్తన. 68:2. భక్తిహీనులు సన్నిధివల్ల నశింతురు.
• 15. దా.కీర్తన. 68:8 భూమియాకాశములు సన్నిధిలో కదులును.
• 16. దా.కీర్తన. 14:7. సన్నిధికి యాకోబుయొక్క దైవసన్నిధి అని పేరు వచ్చెను. మన సన్నిధి కూటములన్నిటికి ఈ పేరే రావలెను.
• 17. దా. కీర్తన. 97:5. సన్నిధిలో కొండలు కరుగును.
• 18. దా. కీర్తన. 39:7. సన్నిధి పారిపోవలసిన స్థలముకాదు కాని ఉండవలసిన స్థలము.
• 19. దా.కీర్తన. 140:13. సన్నిధి యదార్ధవంతుల నివాసము. కూటానికి వచ్చే కుట్ర, విరోధము, అసూయ పెట్టుకొని సన్నిధికి వస్తారు. మోకాళ్ళూనలేనివారు తలగడ వేసికొనవచ్చును. లేకపోతే నిలువబడి ఉండాలి.
• 20. యెషయా. 19:1. సన్నిధిలో బొమ్మలు కలవరపడుట నరులు నమ్మకపోతే బొమ్మలు కదలి మాట్లాడును. చెట్లు నమస్కారములు చేయును, విగ్రహములు మాట్లాడును.
• 21. యెషయా. 63:9. సన్నిధియందు దూతలుగలరు. వర్ధనపు సాల్మన్ అనే ఆయన ఒడ్డునపడ్డాడు అనగా మురికి కాల్వలలో పడిన వెంటనే ఒడ్డున ఉన్నాడు. అదే దేవదూతల సహాయము.
• 22. యెషయా. 64:3. సన్నిధి అన్యజనులు కలవరపడుట అదే మనకాలములో అక్కడక్కడ జరుగుచున్నది. తరువాత అంతా జరుగును.
• 23. యెషయా. 64:1. సన్నిధిని పర్వతములు తత్తరిల్లును, పర్వతములు కదలనిది సన్నిధిరాగానే కదులును. 24. యిర్మియా. 4:26. సన్నిధి ఈ వచనము పూర్తిగా ఏడేండ్ల కాలములో పాలస్తీనాలో జరుగుతుంది. జర్మనీ, ఇటలీ, కొరియాలో జరిగింది.
• 25. యిర్మియా. 5:26. ఈ వాక్యము బెజవాడలో ఆర్య సమాజమువారు ఇలా అంటున్నారు. క్రైస్తవులు మనలను భయపెట్టు చున్నారుగాని (క్రీస్తు వస్తాడని) ఇది ఎన్నడు జరుగదు. ఆయన ఎప్పుడు మన దగ్గరే ఉంటున్నారుగదా! రావడమేమిటి అంటున్నారు. మన క్రైస్తవులలో కొందరు క్రీస్తునందు ఆయన రాకడయందు విశ్వాసము కలిగి ఉండడములో రకరకాలు, ఆయనయొద్దకు రావడములో రకరకాలు, వెళ్ళడములో రకరకాలు ఉన్నవి.
• 26. యిర్మియా 52:3. సన్నిధిని చీల్చి వేయును. మీరు బాగా జ్ఞాపకముంచుకొనండి. ఏమిటంటే సన్నిధి కూటములు లేస్తున్నవి గనుక శక్తిపూజలనేకములు ఉంటున్నవి. చాతబడి, సోదె, పద్మయాగము, కట్టుబోతుతనము ఇవన్నియు బైబిలు మిషనుమీదే ప్రయోగిస్తారు. జాగ్రత్తగా నుండండి. చెప్పలేదంటారు మనమిదే వెయ్యాలా? మనమే సన్నిధి కూటాలు ఏర్పరచాలా?
• 27. యెహెజ్కేలు. 38:20. ఇదికూడ ఏడేండ్ల పాలనలోనిదే. కిరణము, శాఖ, రష్యా దేశములో కొంత జరిగినవి. గోగు అంటే రష్యా గోగు అను మాగోగు అను రెండు సైన్యాలు. గోగు అనగా “రష్యా” మాగోగు అనగా అక్కడే ఇంకొక సైన్యము.
• 28. యోనా. 1:3 యోనా సన్నిధిలో నుండి పారిపోయెను.
• 29. యోనా. 1:10. సన్నిధిలో నుండి పారిపోతారు. దాగుటకు వీలులేదు. కయీను వెళ్ళడానికి, యోనా వెళ్ళడానికి తేడా ఉన్నది. బైబిలులో ఒకాయన దేవుని సన్నిధిని ఎదిరించి వెళ్ళిపోయినాడు. కయీను రెండవ ఆయన నీ సన్నిధినుండి నన్ను త్రోసివేయకుమని దావీదు అన్నాడు. యోనా పని చేయలేక దైవసన్నిధి నుండి పారిపోవుచున్నాడు. అంతేకాని దేవునిమీద తిరుగపడలేదు. అందుకే దేవుడు కనికరించినాడు. యోనా అనగా పావురము.
• 30. నహూము. 1:5. ప్రవక్తలందరు రాబోవు శ్రమలు చూచారు. రాబోయే మహిమకూడ చూచారు. ఈ రెండు కనబడినవి ప్రవక్తలకు.
• 31. జెఫన్యా. 1:7. (ఆంగ్లీకన్ చర్చి) రాజమండ్రి చర్చిలో ఆల్టరు దగ్గర ఈ వాక్యమున్నది. ఏడేండ్ల పరిపాలన దినమని ఎక్కడ వస్తుందో అది చర్చి పరిపాలన. క్రీస్తుదినమని వస్తే రాకడ దినము. అంటే అవిశ్వాసులు, దుర్మార్గులు నరకములోనికి వెళ్ళే దినము, శిక్షదినము.

ఇక్కడకు వచ్చువారు బేతేలు గృహము వరండా ఎక్కకముందే మాట్లాడుట మారతారు, తరువాత మౌనముగా నుంటారు ఎలాగంటే ఇంగ్లీషు గుడిలోని వారివలె మౌనముగా ఉందురు.

A, B, C విటమిన్స్ వృద్ధి అగుటకు ఆయా విధములైన పదార్థములు భుజించుటవల్ల వాటిపని కనబడును. ఒకే పదార్థములో అన్ని విటమిన్స్ వృద్ది పొందే పదార్థము లేకపోవచ్చును. ఆలాగే వాక్య పఠన ఒక విటమిన్ , ప్రార్ధన ఒక విటమిన్ , కానుక, పరిచర్య, సేవ, స్తుతి, ఇవన్నీ ఒక్కొక్క విటమిన్ పనిచేయును. అన్ని విటమిన్స్ ను వృద్ధిచేసే ఒకే పదార్ధములేదు. అయితే కనిపెట్టుట, సన్నిధి సంపద, దైవసన్నిధి అనే పేర్లుగల ఈ పదార్ధములో అన్ని విటిన్స్ గలవు. సన్నిధి సంపదలో 13 విటమిన్స్ ను ఎత్తి చూపించిరి. మనకు తెలియనివి అర్దము కానివి, మన జ్ఞానమునకు అందనివి, వివరించుటకు వీలుకాని విటమిన్స్ అన్నిటని వృద్ధిపొందించునది ఈ దైవసన్నిధి.
మనో విచారములో 99వ
“ఎన్ని ప్రార్ధనలు చేసిన నా - యెదుట ఊరకె కనిపెట్టనిచో = ఎన్నడును సత్యము సంతుష్టి - ఎరుగవు, కనిపెట్టుము”.

షరా:- నియమిత టైమునకు దైవసన్నిధిలోనికి వెళ్లుట పాప పతనమునకు ముందు దేవునితో ఆదాము, హవ్వలు చేసిన వాసము వంటిది. అనగా క్రమము గలిగిన పరిశుద్ధ మహిమ వాసము.

షరా:- నియమిత కాలము మీరి దైవసన్నిధిలోనికి వెళ్ళుట ఆదాము, హవ్వలు పాపపతనము తర్వాత దేవునితో వారికిగల సహవాసము వంటిది.

• 1. సన్నిధి చార్టులో ఉదహరింపబడిన బైబిలు వాక్యములును, వాటియొక్క వివరములును కలిపి ఒక గొప్ప బోధగా ఏర్పడినది. ఇది బోధపత్రిక ఇది విన్నప్పుడు వ్రాసినప్పుడు నీ మనస్సులో ఏలాగుండునో గుర్తించండి.
• 2. మీరు ఒకరోజున ఈ చార్టులోనిదంతయు బాగుగాను మనసునపెట్టి చదువుకొని వెంటనే సన్నిధి గదిలోనికివెళ్లి ఏదోయొక అంశముమీద ప్రార్థించేటప్పుడు నీ మనస్సు ఏలాగుండునో గుర్తించండి.
• 3. సన్నిధి గదిలోనుండి బైటకు వచ్చిన తరువాత నీ ప్రార్ధన యొక్క ఫలితముగా నెరవేర్పు ఎట్లుండునో గుర్తించండి. అప్పుడు దేవుని వాక్యము ఎంత సత్యమైనదో అనుభవ పూర్వకముగా తెలిసికొనగలరు. దేవుని మహిమపర్తురు.
• 4. ఇదంతయు మీరు ఎవరికైనా బోధించేటప్పుడు నీ మనస్సును వారి మనస్సు ఎట్లుండునో గుర్తించండి (లూకా. 6:35). మీరైతే ఎట్టివాటినైనను నిరాశపడక.....

షరా:- 1. నీవు పై వాక్యములన్ని జ్ఞాపకము చేసికొనుచు మహాధైెర్యముతో సన్నిధి గదిలోనికి ఒక కఠినాత్ముని గురించి ప్రార్థించేటందుకు వెళ్లేటప్పుడు బైలుదేరే స్థలమునకును, సన్నిధిగది స్టలమునకును మధ్యను అనేక ప్రశ్నలు మిడతల దండువలె రయముగా కమ్మును. ఆ ప్రశ్నలేమనగా

• 1. ఇతడు చాలా కాలమునుండి కఠినాత్ముడు మారునా?
• 2. ఇప్పుడు మారుటకు దేవుడు మాత్రము మార్చగలడా?
• 3. ఆయన మార్చ కలిగితే కయీను జలప్రళయ జనము, ఫరో, సౌలు, ఇస్కరియోతు యూదాలు ఎందుకు మారలేదు. అట్టివారిలో ఇతడు ఒకడైతే దేవుడు మాత్రము మార్చగలడా? ఆయనకు సాధ్యమా?
• 4. ఒకవేళ దేవునికి సాధ్యమైతే ప్రార్ధనయున్నను, విశ్వాసమున్ననూ సరిపోవునా?
• 5. ఒకరు ఒకరిని గురించి ప్రార్ధించిన తరువాత అతడు మరింత చెడిపోయినాడట! ఇతనికి అట్లగునేమో!
• 6. కొంతమంది విశ్వాసులు కలసి నన్ను గురించి ప్రార్ధన చేస్తున్నారని మరియొకరు విని తనను గురించి మరింత చెలరేగి యున్నారట. చెలరేగి, చెలరేగి అతను రాత్రి మంచముపై పరుండి నేను ఏమంత చెడ్డవాడనని ప్రార్ధన పెట్టుకొన్నారు? ఫలాని ఫలాని వారికంటే చెడ్డవాడనా? అని అనుకుంటూ ఉంటే చెంతను ఉన్నవారు విన్నారు.

అటువంటి అతడు ఇంకేమి మారును? ఇంకేమి మారగలడు? మరియొక సంగతి; మరియొక సంగతినిగూర్చి ప్రార్ధన పెట్టుకొని మరుసటి దినమందు వారియొద్దకు వెళ్లి సన్నిధి చార్టు చదివి, వినిపించి అయ్యా! మీ కొరకు మేము నిన్న ప్రార్థించినాము అని చెప్పి ఇదంతయు చదివి వినిపించితే లేక దీని ప్రతి చేతులోపెట్టి ఈవేళ మీరు మిమ్మును గురించి ప్రార్థించుకొనండి అని చెప్పితే మీరు నాకు ప్రార్ధించమని చెప్పేవారు? ఇంకేమి ప్రార్ధన చేస్తారు? ఇట్టి ప్రశ్నలు మనలోనికి రాగా సన్నిధికి వెళ్లడము ఆగిపోవును. వెళ్లినా ప్రార్ధన వీలైనా ఆగిపోవును గనుక మెళకువగా ఉండుడి.

చార్టుయొక్క సారాంశము:- దేవుడు నీ ప్రార్ధన ఆలకిస్తాడు అనేది.

షరా:- సన్నిధి గదిలోనుండి బైటికి వచ్చేటప్పుడు 1సమూ. 1:17 జ్ఞాపకము తెచ్చకొనండి. అదేదనగా

• 1. నీవు క్షేమముగా వెళ్లుము
• 2. ఇశ్రాయేలీయుల దేవునితో నీవు చేసికొనిన మనవి ఆయన దయచేయును.
• 3. అపో॥కార్య॥ 10:4 అనేక ప్రార్ధనలు దేవుని సన్నిధికి జ్ఞాపకార్ధముగా చేరినవి. ఇవికూడా బైటికి వచ్చేటప్పుడే జ్ఞాపకము తెచ్చుకొనండి.

షరా:- జవాబులు లేని నెరవేర్పులుకూడా బైబిలులో ఉన్నవి.

• 1. లోతును రక్షిస్తానని అబ్రాహాముతో దేవుడు పలుకలేదుగాని నెరవేర్పు కలిగినది (ఆది. 19వ అధ్యాయము).
• 2. ఏమియు దర్శనము వచ్చునని దేవుడు స్వయముగా చెప్పలేదుగాని నెరవేర్పు చెప్పెను. మేఘమువలన (1రాజులు. 17వ అధ్యాయము) నెరవేర్పు కనబడినది.
• 3. యెరూషలేము సంఘముయొక్క ప్రార్ధన సమయమప్పుడు పేతురును విడిపిస్తానని దేవుడు చెప్పలేదు గాని పేతురు తలుపు కొట్టుటద్వారా దేవుడు మాట్లాడెను (అపో! 12:13).

ఈ పై ఉదాహరణల్లో - జవాబులేని నెరవేర్పులు గుర్తించగలము.