2. శక్తికిమించిన శక్తి - ప్రార్ధనాశక్తి
గ్రంథకర్త: ఫాదర్. ముంగమూరి దేవదాసు
రాజులు 18:36-39; మత్త. 6:5-15; యాకో. 5:13-18.
దీవెన :- దైవప్రార్ధనాశక్తి ప్రియులారా! నేటిదిన వర్తమానము ద్వారా ఆ పరమదేవుని ప్రార్ధనాదీక్ష మరియు పట్టుదలగల ప్రార్ధనలు చేయు దీవెన మీకు అందునుగాక! ఆమేన్.
ప్రార్ధన లోకములోనున్న శక్తులన్నిటికన్న గొప్పశక్తియను మాట ఒక పాదిరిగార్కి పిడుగులాంటి వార్తయై ఈవార్త నిజమైతే
ప్రపంచములో
నిదియే గొప్ప సత్యమగును. మనలో చాలినంతమంది చాలినంత తరుచుగా ప్రార్ధన చేసిన యెడల లోకములోని ప్రతి ఒక్కరును దేవునివైపు
చూచి
ఆయన మాట వినునట్లు చేయగలము. ప్రపంచమును మార్చి వేయగలము అన్నాడు. ఆయన చెప్పినది సత్యము ప్రార్థన లోకములో నున్న
అనంతశక్తియే.
ప్రార్ధన శక్తివంతమైనదని లక్షలాదిసార్లు నిరూపింపబడినది. సరిపడనంతమంది చాలినంత ప్రార్థనచేస్తే లోకమును రక్షించగలము.
చాలినంత
ప్రార్థనచేస్తే పైమాటలు చెప్పిన పాదిరిగారు అధిక ఉత్సాహముతో క్రైస్తవులు దినమునకొక్క నిమిషము ప్రార్ధనచేస్తే చాలు.
లోకమును
రక్షించగలరు అన్నాడు. అంతమాత్రమైతే చాలదనియే నా అభిప్రాయము. జీవరాసులను కాపాడుటకు సూర్యుడు దినములో ఒక్క నిమిషము
ప్రకాశించి
ఊరకుంటే చాలదు. జీవము సూర్యకిరణముల మీద ఆధారపడియున్నది. కోట్లకొలది కిరణములలలో ఒక్క కిరణము జీవనమును సృష్టిచేయలేదు.
కోట్లకొలది పడు వర్షపు చినుకులలో ఒక్కటిమాత్రమే చెట్లువేరు వద్దకు పోలేదు. కోట్లకొలదిగా ఉన్న విత్తనములలో ఒక్కటి
మాత్రమే
చెట్టుగా అగుచున్నదా?
- 1. కింబర్లీ వజ్ర గనులలో కోట్లకొలది పారలమన్నులో ఒక పార మన్నుమాత్రమే ఒక వజ్రమును కనుగొనలేదు. కాంగిర్ ఈల్ అనే చేప పెట్టుగుడ్లన్నియు పొదగబడిన తరువాత బయలుదేరు ఈల్ చేపలన్నిటికి సరిగా ఆహారము దొరికి జీవించగలిగిన యెడల ఇక్కడ నుండి సూర్యునివరకున్న ఈ మహావిశాలత యంతటిని రెండేడ్లలో నింపివేయగలవు అట, సృష్టి పద్ధతి అంతయు అంత పుష్మలమైనది. మనము వ్రాసే వానిలో చెప్పేవానిలో బహుకొద్ది మాటలే ప్రజలకు ఉత్సాహము కలిగించి మంచి పనులు చేయుటకు ప్రేరేపించును. గనుక మనము ప్రార్ధన ఎవరినిగూర్చి చేయుచున్నామో వారికి మన ప్రార్ధనలు ప్రేరేపించినవిగా లేవని తోచినయెడల మనప్రార్ధనలు ఎక్కడో ఒకచోట ఎవరికో ఒకరికి అందవచ్చునని నమ్మియుంటే చాలును. అంతకుమించి మన కవసరములేదు. ఇది మట్టుకు సత్యము ఏదనగా యేసుప్రభువు చెప్పినట్లు మనము విసుగక నిత్యము ప్రార్ధన చేసినయెడల మనము లోకమును మార్పుపొందించగలము గాని అనుమానముతో కూడిన నిర్విర్య ప్రార్ధనలు నీరస ఫలములనే కనబరచును. దినమునకు ఒక్క నిమిషము మనలను రక్షింపనేరదు.
-
2. కుంటివారు నడుతురు:- ఒక భావముతో కొందరు ప్రార్ధించగా జబ్బులు ఆశ్చర్యకరముగా భాగవుట తరుచుగా జరుగుచున్నవి.
వెన్నెముకలో
పుట్టిన ఒక విధమగు కురుపుతో ఏడేండ్లు అమితమైన బాధ అనుభవించుచుండిన ఒకామె గత రెండేండ్లు నడువలేకపోయినది.
సహింపనలవికాని
బాధపడుచుండెను. మేము ఆసుపత్రివారు సాధ్యమైనంతవరకు సహాయము చేయుదుముగాని సంపూర్ణ స్వస్థత నియ్యలేము. ఇష్టముంటే ఫలాన
తేదిని
రావచ్చునని చెప్పిరి. ఈమె తన భర్తతో కారు మీద వెళ్లును. మేము ఆసుపత్రికి వెళ్లుటకు ఇంకా రెండు వారములున్నందున,
దానికిముందుగా
ఒక ప్రార్ధన సమాజమునకు వారు వెళ్లిరి. వారక్కడ చేరగానే ఆమె వ్యాధిని గురించి గుంపులుగను, ఒక్కొక్కరుగాను ఆ
సమాజమువారు
ప్రార్ధనచేయ మొదలుపెట్టిరి. ఆదివారము ఉదయము గెన్ క్లార్క్
అను ఆయన యోబుయొక్క శ్రమలు అను అంశము మీద ప్రసంగించెదనని ప్రకటించెను. కురుపు బాధతో ఉన్న ఈమెకు యోబుగ్రంథము
ప్రియమైనది,
గనుక
ఆ ప్రసంగము వినగలుగునట్లు బాధతగ్గినయెడల బాగుండునని ఆశతో ప్రార్ధించి కూటము కూర్చుండెను. ఆయన బోధించుచు చివరి
బాగములో
(13:15) ఇదిగో ఆయన నన్ను చూపినను నేను ఆయన కొరకు కనిపెట్టుచున్నాను అను మాటలు చెప్పుచుండగా తటాలున ఒకచేయి ఆమె తలను
నెమ్మదిగా
సర్దుచు వెన్నెముకవరకు జరుగుచున్నట్లు ఆమె తెలుసుకొనెను. క్రమముగా బాధ కలిగించుచున్న వ్రణమువద్దకు చెయ్యిరాగానే
వెంటనే ఆ
భయంకరబాధ మాయమయ్యెను. సంపూర్ణ స్థితికలిగెను. పూర్ణ స్వస్థత గలదై ఆమె బయటకు స్వయముగా నడిచి వెళ్ళగల్గెను. కొన్ని
గంటల
తరువాత
ఆమె రోడ్డుపై పరుగెత్తుచుండెను.
ప్రార్థించు వారి అందరి భావములు ఒక్కటైనప్పుడు ఈలాగు కలుగుట సాధారణమని తెలియుచున్నది. దీనినిబట్టి ఒక పెద్ద సమూహము ఒకే భావముతో ఒకే భావముతో ప్రార్థింపగలిగినయెడల ఆ ప్రార్ధన అధిక శక్తివంతమైనదిగా నుండుననియు, ఒక్కడు చేయునది అల్పశక్తివంతమైనదిగా నుండుననియు స్పష్టమగుచున్నది. ఆరాధనలలో వినుచున్న వారందరును గట్టిగా ప్రార్థించునట్లు మనము ప్రార్థించగా వెంటనే ఆశ్చర్యకరముగా బలముగా సంతోషకరముగా అన్నివైపులనుండి ప్రార్ధన చేయువారే కనబడుదురు. సంఘమంతయు పట్టుదలతో, ఐక్యభావముతో ప్రార్ధించునపుడు అదృశ్యహస్తమొకటి మనలనెత్తుచున్నదా? అనునట్లుండును. మనకండ్ల వెంట నీరు ఉబుకును. మనము వ్రాసికొనిన ప్రసంగములకంటె ప్రశస్త తలంపులు కలిగి ఆవేశముతో బోధింప గలుగుదుము. సాధారణ సంగతి ప్రకాశించుచున్న వర్తమానమువలె నుండును. - 3. చదువునపుడు ప్రార్ధించుము:- వార్తాపత్రికలు చదువునపుడు మీలో కొందరు ప్రపంచ నాయకులపేర్లు కనబడినపుడు ఒక నిమిషకాలమాగి ప్రభువా! ఈయన నీ కొరకు ఆకలిగొనుట్లు అనుగ్రహించుము ఆమేన్ అని అనుచున్నారు లేదా ఆ నాయకుని పేరును యేసు అను అనంత శక్తిగల పేరుతో కలిపి పలుకుదుము. ఈలాగు చేయుటవల్ల పత్రికను చదువుటలో ఆలస్యముండదుగాని యేసుతో ఆ నాయకుని జతపర్చి ఒక సెకండుమాత్రముంచగలము. ఇది అలవాటు చేసికొన్నయెడల కంటికగువడని శతసహాన దీవెనల లోకముపైకి విరజిమ్ము వారమగుదుము.
- 4. డాక్టరు ప్రాంక్ లాబాక్:- డా॥ ప్రాంక్ లాబాక్ వయోజన విద్యావిషయమున పండిత ప్రముఖులలోని అగ్రగణ్యుడు. ఉత్తర అమెరికా విదేశి మిషనుల కాన్ఫరెన్స్ యొక్క ప్రపంచ విద్యాసారస్వతోప సభపక్షముగా ఈయన లోకమందలి ప్రతి మిషను ప్రాంతమును దర్శించి తన వయోజన విద్యాపద్ధతిని ప్రతిచోటను ప్రవేశపెట్టెను. ఆ సందర్భమున మన భారత ప్రభుత్వమునకుగూడా ఈయన చేయూత నొసంగెను.
-
5. చిరునవ్వు:- మనమనుకొనునట్లు విషయములు జరుగకున్న చివరకు స్నేహితులు నమ్మకద్రోహులైనను నీకు మిగులనదేమి?
చిరునవ్వు
నవ్వి
ముందుకు నడువుము. నీ జీవితకాలమంత అడ్దుబాటలతో నిండియున్న అనారోగ్యము తొందరలు కలుగును. మనుష్యులు గేలిచేసినయెడల
చిరునవ్వనవ్వి
ముందంజ వేయుము.
నీ పూర్ణశక్తితో పనిచేసిన, దానిలో నీవు తలంచినట్లు జయము పొందనియెడల, నీకు సహాయము చేయవలసినవారు సహాయము చేయనియెడల, చిరునవ్వునవ్వి ముందుకు నడువుము. జీవితములో మార్పు కలుగవచ్చును. ఈ పరీక్ష ముందు నీకు అవసరము. అప్పుడే విశ్రాంతి కలిగి ఎక్కువ సంతోషింపగలవు. గనుక చిరునవ్వు నవ్వి ముందుకు పొమ్ము ఒక దినము కూర్చుని నిట్టూర్పు విడువనవసరము లేదు. చిరునవ్వు నవ్వి ముందుకు పొమ్ము -
6. సోమరితనము:- సోమరితనము దేవునియెడల చేసిన పాపము. ఇతరులు
సంపాదించిన ధనము మీద జీవింపక దేవుని ఉద్దేశప్రకారము మానవుడు చెమటకార్చి ఎవరి భోజనమును వారు సంపాదించవలెను. ఏ పనిచేయక
సోమరిగా
నుండినయెడల, దేవుని ఇష్టమునకు వ్యతిరేకముగా పోయినట్లు దేహము, మనస్సు, ఆత్మ, మరవలె ఉపయోగించని యెడల అది పాడవును. గనుక
ఆరోగ్యకరమైన దేహము కొరకు మానవుడు పనిచేయవలెను. సోమరితనమువలన దుఃఖము కలుగును. క్రియలు, తప్పుదారిని పోవును. దుఃఖమునకు
సోమరితనము కారణము. కష్టపడి పనిచేయువారిని త్రోసిపుచ్చి మంచి ఆరోగ్యము, బలము, వరములున్నను ఇతరులు సంపాదించిన ధనము మీద
ఆధారపడియుండుట పాపము. సాంఘికముగా, శ్రామికంగా రాజకీయంగా, పెరుగుదలను సోమరితనము అడ్డుచేయును. కష్టపడి పనిచేయువారికి
సోమరిగా
ఉన్నవారికి మధ్య మంచి స్నేహ సంబంధమైనదేదియు వృద్ధిపొందదు. స్వతంత్రత పోరాటములోగాని స్వతంత్రత నిలుపుదలలోగాని
సోమరితనమునకు
స్థానములేదు.
ఇండియాకు స్వాతంత్రము సిద్ధించినది కాని, జీవితమును సంతోషదాయకముగా చేయునవన్ని స్వాతంత్రముతోపాటు రావు. బ్రిటీషు అధికారమునుంచి మాత్రము విడుదలైనది. ఇంకా సాంఘికముగా, శ్రామికంగా మనదేశము స్వాతంత్రత సంపాదించలేదు. ఇండియా ప్రజలందరు సోమరితనముమాని దేశోభ్యుదయమునకై పనిచేసి సోమరి తనము వదలి వేయవలెను. సోమరితనము ఒక చీడ పురుగువంటిది.
ప్రార్ధన:- సదాకాలము మీతోకూడా ఉన్నానని సెలవిచ్చిన తండ్రీ! మానవులమైన మేము నీతో ప్రత్యుత్తరములు సంధించుటకు ప్రార్ధన అనే సాధనశక్తిని ఏర్పరచినందులకై నీకు వందనములు.
ఈదిన వాక్యముద్వారా జ్ఞానయుక్తముగా పట్టుదలగా ఏలాగు ప్రార్థించవలెనో మాకు నేర్పుమని తండ్రీ నీ నామమున అడిగి వేడుకొనుచున్నాము ఆమేన్.