ఎస్తేరు కథ

(యం. దేవదాసు అయ్యగారి ఉపదేశములు)

తండ్రి: ఎస్తేరు. 1:1-9; కుమార: మత్తయి 24:41; పరిశు: 2కొరింధీ 2:14.

దేవుడు ఇశ్రాయేలీయులకు తన కృపను అనేక విధములుగా కనుపర్చినప్పటికినీ వారు ఆయనమీద అనేక మారులు తిరుగుబాటు చేసినందున ఆయన వారిని శిక్షించెను. వారిని పదేపదే శిక్షించిన పిదప చివరకు వారిని చెరలోనికి పంపి బానిసలుగా చేసెను. ఈలాగు బానిసలుగా పర్షియా దేశమునకు కొనిపోబడిన వారిలో మొర్దెకై ఉండెను. ఈయనే ఎస్తేరును పెంచి పెద్దచేసెను. దైవసంకల్పమునుబట్టి ఎస్తేరు అహష్వేరోషు రాజుయొక్క భార్య ఆయెను. ఈ పర్షియా చక్రవర్తి 127 రాజ్యములను పరిపాలించెను. హిందూదేశము మొదలుకొని కూషు వరకు ఉన్న దేశములన్నిటిని ఏలెను.


ఇండియా (హిందూదేశము) పేరు ఎస్తేరు గ్రంథములో తప్ప మరి ఎక్కడను బైబిలులో కనబడదు. అహష్వేరోషు గ్రీకు దేశముమీదికి దండెత్తి దానిమీద జయము పొందినందున, ఆ సంతోషమును తెలియపర్చుటకు గొప్ప విందు గావించి తన రాజ్యములోని సంస్థానాధిపతులనందరిని ఆ విందుకు పిలిచెను. అప్పుడు ఇండియా నుండి కూడ అధిపతులు ఆ విందునకు వెళ్ళిరి. ఆ విందు బహు ఘనముగా జరిగినందున రాజు, తన రాణియైన వష్తి యొక్క సౌందర్యమును అందరకూ చూపించదలచెను. కానీ వష్తి నిరాకరించినందున, రాజు ఆమెను రాణిగా తొలగించి, ఎస్తేరును రాణిగా చేసెను. అయితే, యూదుడైన మొర్దెకై తనను గౌరవించనందున, మంత్రియైన హమాను యూదుల - నందరిని చంపుటకు తాకీదులు వ్రాసి, రాజుముద్ర వేయించెను. ఎస్తేరునందు రాజుకు మిక్కుటమైన ప్రేమయుండెను. దైవసంకల్పమునుబట్టి రాజు మొర్దెకైను తన సన్నిధిని ఘనపరచెను. మిమ్ములను చంపుటకు వచ్చిన వారిని మీరే చంపుడని రాజు ఆజ్ఞ చేసెను. ఈ విషయములో ఎస్తేరు మూడు దినములు ఉపవాసము చేసెను. యూదులు తమ శత్రువులలో 7,500మందిని చంపివేసిరి. ఈలాగు ఎస్తేరు వలన యూదులు రక్షింపబడిరి.


ఈ గ్రంథములో దేవుని పేరు లేదు గాని దేవుని సహాయమున్నది. ఆలాగే ఆయన మనకు కనబడకపోయినా రహస్యముగా సహాయము చేస్తూయున్నాడని దీనివలన గ్రాహ్యమగుచున్నది. ఒక స్త్రీ వలన అనేకమంది బ్రతికిరి. అహష్వేరోషు తన రాజ్యమహిమ చూపుటకు విందు చేయించెను. యేసుక్రీస్తు యువరాజు. భూలోకములో ఆయనకు సంఘమున్నది. అహష్వేరోషు వష్తిని విడిచినట్లుగా, క్రీస్తు ప్రభువు తన్ను అంగీకరించని వారిని ఈ లోకములోనే విడిచిపెట్టును. ఉపవాస ప్రార్ధనలతో తయారైన ఎస్తేరును రాజు ఏలాగు చేర్చుకొనెనో, ఆలాగు సిద్ధపడిన వారిని; పిలిప్పును ఆత్మ కొనిపోయిన రీతిని ప్రభువు పరలోకమునకు కొంచుపోవును. వష్తివలె నామక క్రైస్తవులు విడువబడుదురు. ప్రస్తుతము ఈ సిద్ధపడే పని భూలోకమందే జరుగుచున్నది. ఇద్దరు తిరగలి విసరుచుందురు. ఒకరు కొనిపోబడును, మరొకరు విడిచిపెట్టబడును. అనగా సిద్ధముగా ఉన్నవారు వెళ్ళిపోవుదురు, సిద్ధపడకుండా విసరువారు విడిచిపెట్టబడుదురు. సిద్ధపడకుండా తిరుగలి విసరువారు “ప్రభువు వచ్చినప్పుడు సిద్ధపడలేమా!” అని అనుకొందురు. వష్తిరాణి గుంపువారు ఇక్కడనే ఉందురు. వీరే పిలువబడిన వారు. ఈలాగు పిలువబడినవారు అనేకులు, ఏర్పర్చబడినవారు కొందరే (మత్తయి 24:41).


ఎస్తేరు రాణి వంశమువారు ఎవరనగా,

ఎస్తేరు 12 నెలలు సిద్ధపడిన మీదట అప్పుడు పెండ్లి అయినది. హేగే ఈమెను రెండు రకములైన వస్తువులతో రాణిగా సిద్ధము చేసెను. అవి

(1) రాజు వష్తిరాణీని చంపుటకు ఒప్పుకొనలేదు, (2) పెండ్లికుమార్తెయైన ఎస్తేరును పోగొట్టుకొనలేదు. గాని వష్తిని, మంత్రియైన హమానును పోగొట్టుకొనెను. అలాగే ప్రభువుకూడ పెండ్లికుమార్తెను అనగా పరిశుద్ధ సంఘమును (కీర్తన 22:30,31), (దానియేలు 12:3) పోగొట్టుకొనడు. ఎస్తేరుకు తూర్పు దేశపు నక్షత్రమని పేరు. దానియేలు 12:3లో ఉన్నట్లు, పెండ్లికుమార్తె వరుసలోనివారు నక్షత్రములవలెనుందురు. రాజు వష్తిని చంపలేదు. ఆలాగే క్రీస్తుప్రభువు నామక క్రైస్తవులను నశింపచేయక, వారిని 7 సం॥ల శిక్షకు అప్పగించును. ఎస్తేరు గ్రంథములో అహష్వేరోషు రాజుపేరు 187సార్లున్నది. గాని దేవుని పేరు ఈ గ్రంథమందు ఒక మారైనను లేదు. కారణమేమనగా దేవుడు ఈ గ్రంథమందంతటనూ రహస్యముగా ఉండి తన పని జరిగించుచుండెను.


నిర్గమ కాండములో ఆయన “చాటునుండి మాట్లాడెను” అని ఉన్నది.

ఉదా: పొదచాటునుండి మోషేతో మాట్లాడుట, మేఘములోనుండి ఇశ్రాయేలీయులతో మాట్లాడుట. బైబిలులోని మిగిలిన పుస్తకములలోకూడ ఆయన చాటు చేసికొని మాట్లాడినట్లు వ్రాయబడియున్నది. అనగా మన కష్టనష్టములలో దేవుడు చాటునుండి సహాయము చేసియున్నాడు” అని మనము అనుకొనవలెను. అలాగే ఇక్కడ యూదులమీదకు వచ్చిన కష్టములో, ఆయన చాటునుండి వారిని ఆదుకొనెను. అందుకు యూదులు పూదీము పండుగ ఆచరించి ఒకరికొకరు బహుమతులు పంపుకొన్నట్లు, మనమును ప్రస్తుతము క్రిస్మస్ కాలములో బహుమతులు పంపుకొనుచున్నాము.


ఎస్తేరు గుంపువారు చేయు ఆలోచన:-

వష్తి గుంపువారు చేయు ఆలోచన: -

మత్తయి 22:12లో నున్నట్లుగా వీరు ఈ పెండ్లికుమార్తె వరుసలోనికి వచ్చుటకు సందేహింతురు గనుక వీరు రాకడలో ఎగిరి వెళ్ళలేరు. సందేహించువారు వష్తివలె విడిచిపెట్టబడుదురు. ఎస్తేరు వలె ధైర్యముగానుండి, వరుని ఎదుర్కొను భాగ్యము ప్రభువు ఈ పందిరిలో చేరినవారికి దయచేయునుగాక. ఆమేన్.