సన్నిధిపరులు చేయవలసిన ప్రార్ధనలు
- 1. దేవా! నీవు సైతానును, ఆదిసర్పమును, ఘట సర్పమును, ఆ ఎర్ర సర్పమును ఏడేండ్ల శ్రమకాలమందు, మట్టులేని ఆ గోతిలో పాతాళ లోకములో బంధింపనైయున్నావు. గనుక నీకనేక నమస్కారములు. దానికి ముంగుర్తుగా ఇప్పుడే న్యాయ పద్ధతిని ఎంతగా బంధింపవలెనో అంతగా బంధించుము. ఆమేన్.
- 2. దేవా! సైతానుయొక్క జట్టువారైన చెడ్డదూతలను, చివరకు నరకములో పడవేయుదువు గనుక నీకు నమస్కారములు. ఆ పనికి ముంగుర్తుగా ఇప్పుడు న్యాయపద్ధతిగ పనిచేయుము. ఆమేన్ .
- 3. సైతాను యొక్క అనుచరులు, అతని ప్రేరేపణవలన అతనితోపాటు చెలరేగియున్నారు. వారినికూడ ఏడేండ్ల శ్రమ కాలములో ఆపుచేస్తావు గనుక నమస్కారములు. దానికి ముంగుర్తుగా ఇప్పుడు న్యాయపద్ధతిని ఆపుచేయుము ఆమేన్.
- 4. ఏడేండ్ల పరిపాలనాంతమందు అంతెక్రీస్తును నరకములో పడవేయుదువు, నమస్కారము. ఇప్పుడుకూడ అంతెక్రీస్తువంటివారు మనుష్యులలోకూడ ఉన్నారు. వారు నీ విరోధులు. దానికిముంగుర్తుగా ఇప్పుడు వీరిని పడవేయుము. ఆమేన్.
- 5. ఏడేండ్ల చివర అబద్ధ ప్రవక్తలను నరకములో పడవేయుదువు. అతనివలె తప్పుబోధలుచేసే అబద్ధ ప్రవక్తలు ఇప్పుడు ఉన్నారు. దానికి ముంగుర్తుగా న్యాయపద్ధతిని వీరినికూడ పడవేయుము. ఆమేన్.
- 6. ఏడేండ పరిపాలనలో మెడ వంచనివారు శ్రమలలో సహితము మారుమనస్సు పొందనివారు మరణమౌదురు. ఆ మృతులు సజీవులకు ఆటంకముగా నుండకుండ చేయుదువు. నమస్కారములు. దీనికి ముంగుర్తుగా న్యాయపద్ధతిని మరణమగు చున్నారు.
- 7. మానవులనందరిని దైవభక్తులుగా చేయుటకై ఏడేండ్ల శ్రమకాలములో ఎండవల్ల, నీళ్ళవల్ల, జంతువులవల్ల, కరువులవల్ల బాధలు కలిగించెదవు నమస్కారము. దీనికి ముంగుర్తుగా ఇప్పుడుకూడా బాధలు కలిగించుచున్నావు, నమస్కారములు.
- 8. వెయ్యేండ్ల పరిపాలనలో నైజపాపము కలవారు అనేకమంది ఉంటారు. వారి గతి ఏమగునో మీకే తెలుసు. ప్రభువా! నీవు న్యాయము చేస్తావు గనుక నమస్కారము. ఇప్పుడు కూడా దీనికి ముంగుర్తుగా న్యాయపద్ధతిని న్యాయము చేయుము. ఆమేన్.
- 9. హేడెస్సులో మారుమనస్సులేని మృతులు అనేకమంది ఉన్నారు. వారి విషయములో నీవు న్యాయము, కృప చూపిస్తావు. గనుక నమస్కారములు. ఇప్పుడుకూడా అట్టివారు భూమిమీద ఉన్నారు. వారి న్యాయపద్ధతిని నీ ఇష్టమువచ్చినట్లుగా నడిపించుము, ఆమేన్.
- 10. ప్రభువా! కడవరి తీర్పు రాకముందు భూలోకములో ఉన్న ప్రతివారికిని, హేడెస్సులోనున్న ప్రతివారికిని నీ సువార్త పూర్తిగా వినిపించుము. ఆమేన్.
- 11. పిశాచియొక్కదుష్ట ప్రయత్నములన్నిటిని సమూలముగా నాశనము చేయుము. ఆమేన్.
- 12. తండ్రీ! నీ విశ్వాసులు అభిమానులు చేయుచున్న మంచి పనులన్నిటిని వృద్ధిలోనికి తీసికొనిరమ్ము. ఆమేన్.
- 13. ఓ తండ్రీ! 1938 సం॥లో ప్రత్యేకమైన మా బైబిలు మిషనును స్టాపించియున్నావు గనుక దీని విషయములో నీకుగల ఉద్దేశములన్నిటిని అంచీలమీద నెరవేర్చుము ఆమేన్.
- 14. ప్రత్యక్షమగుచున్న మా తండ్రీ! సృష్టిద్వారా, మానవ జ్ఞానముద్వారా, బైబిలుద్వారా, క్రీస్తు ప్రభువుద్వారా, సంఘము ద్వారా బైలుపడుచున్న తండ్రీ! నీకు అనేక నమస్కారములు. బైబిలు మిషనుద్వారా ఇంక ఎక్కువగా బైలుపడుచున్న తండ్రీ! నీకు అనేక వందనములు. ఈ మిషను పత్రికలద్వారా, స్వస్థి శాలలద్వారా బైలుపడుచున్న తండ్రీ! నీకు నమస్కారములు. సన్నిధి కూటముల ద్వారా శరీర రూపములో కనబడి మాటలాడుచున్న తండ్రీ! నీకు అనేక నమస్కారములు.
- 15. సువార్త సంపూర్తిగా బోధించే బోధకులను ప్రతి దేశములో లేపుమని వేడుకొనుచున్నాము.
- 16. ప్రభువుయొక్క రాకడను గురించి, ప్రతి దేశములో బోధకులను లేపుమని వేడుకొనుచున్నాము.
- 17. బైబిలుమిషను పైకెత్తి చూపించగల ప్రముఖులను లేపుమని వేడుకొనుచున్నాము. ఆమేన్.
- 18. బైబిలు గ్రంథము 1400 భాషలలో తర్జుమా చేయించినందుకు నమస్కారములు. మిగతా చిన్న చిన్న భాషలలో కూడా తర్జుమా చేయించుమని వేడుకొనుచున్నాము. ఆమేన్.
- 19. మనుష్యులు క్రొత్త క్రొత్త విషయములు కనిపెట్టు చున్నారు. విమానముకూడా చేసే విధానములు కనిపెట్టినారు. ఏ పద్ధతిని కనిపెట్టిన యెడల ప్రతి మనుష్యునికి సువార్త అందునో, ఆ పద్ధతిని కనిపెట్టుటకు కొంతమందిని లేపుము. ఆమేన్.
- 20. లోకములో జరుగుచున్న యుద్ధములకు, పాఠశాలలకు ఇంకా అనేకమైన పనులకు నీవు ఎన్నో కోట్ల రూపాయలు ఇస్తున్నావు. నీకు నమస్కారములు అలాగే సువార్త ప్రకటించుటకు అంతకంటే ఎక్కువ కోట్లసొమ్ము నీ సంఘమున కిమ్మని వేడుకొనుచున్నాము, ఆమేన్.
- 21. తండ్రీ! పాపులకు, రోగులకు, బీదలకు, గొడ్రాండకు, పసిపిల్లలకు, భర్తపోయిన వారికి, భార్యపోయినవారికి, అన్యాయము అనుభవించుచున్నవారికి శాంతము కల్గునట్టి పనులు ఇంకా ఎక్కువగా చేయించుమని వేడుకొనుచున్నాము, ఆమేన్.
- 22. ఓ తండ్రీ! ఆకాశమందలి జ్యోతులలోనికి వెళ్ళవలెనని కొందరు ప్రయత్నించుచున్నారు. మరికొందరు భూగర్భంలోనికి పనులు చేయుటకై వెళ్ళుచున్నారు. దిగి పనిచేయుటకై వెళ్ళుచున్నారు. మరికొందరు సముద్రములో ఇట్లు అపాయకరమైన పనులు చేయుటకు ప్రయత్నించుచున్న వ్రతివారికి నీవు తోడైయుండుమని వేడుకొనుచున్నాము, ఆమేన్.
- 23. తండ్రీ! నీవు స్థాపించిన క్రైస్తవ సంఘములో 350 మిషనులు వచ్చినవి. ఇవి ఇతర మతస్థులకు మాదిరికాదు. అన్ని మిషనులు ఒకటి అగునట్లు చేయుమని వేడుకొనుచున్నాము.
- 24. తండ్రీ! వేల గొర్రెల మంద నాకున్నదనియు, వాటిని తోడుకొని రావలయునని నీవాక్యములో వ్రాయించినావు గనుక ఇతర మతముల వారినందరిని తోడుకొని రమ్మని వేడుకొను చున్నాము. ఆమేన్.
- 25. నీ బైబిలును, యేసుప్రభువును, క్రైస్తవసంఘమును కొందరు విమర్శించుచున్నారు. ఈ పనిని వారు తెలియకయే చేయుచున్నారు. గనుక క్షమించుమని వేడుకొనుచున్నాము. మరియు వారు నమ్మినను, నమ్మకపోయినను సరే వారికి తేటపర్చుమని మా ప్రార్ధన. ఆమేన్.
- 26. లోకసంబంధమైన విషయములో కొత్తవి ఏ ప్రకారముగా బైలుపర్చుచున్నావో ఆ ప్రకారముగానే నీ విషయములను, క్రొత్త విషయములను మాటిమాటికి బైలుపర్చుమని వేడుకొనుచున్నాము. ఆమేన్.
- 27. తండ్రీ! నీవు కలుగజేసిన సూర్యచంద్ర నక్షత్రములను భూమండలమును, పక్ష్యాదులను, పశ్వాదులను, జలచరములను, పురుగులను, చెట్లను, కొండలను, జలములను, గాలిని ఈ మొదలైన వాటిని అనుదినము దీవించుమని వేడుకొనుచున్నాము. ఆమేన్.
- 28. తండ్రీ! మేము అడిగినవాటన్నిటికంటే ఎక్కువే దయచేయుమని వేడుకొనుచున్నాము. ఆమేన్.
- 29. తండ్రీ! యేసుప్రభువుయొక్క రెండవ రాకడ ఎంత త్వరగా వస్తున్నదో; అంత త్వరగా శుద్ధికార్యమును, వృద్ధి కార్యములు సాగించుమని వేడుకొనుచున్నాము. ఆమేన్. మరనాత.