మత్తు పదార్ధములు

(యం. దేవదాసు అయ్యగారి ఉపదేశములు)

---

• 1. మత్తు పదార్ధములు ఆహార పదార్ధములు కావు. అవి శరీరారోగ్యమునకు తోడ్పడునవి కావు.
• 2. మత్తు పదార్ధములు అలవాటు చేసికొన్నవారు సహవాసమువలనను, దానివలన వచ్చు నష్టములు తెలియక ప్రారంభములో అలవాటు చేసికొందురు. గ్రహించినమీదట మానలేని బలహీనులగుదురు.
• 3. మత్తు పదార్ధములను అలవాటు చేసికొన్నవారు ఇష్టపూర్వకముగాను, సంతోషముతోను, స్వేచ్చపూర్వకముగాను అలవర్చుకొందురు. మానవలసి వచ్చినపుడు ప్రాణసంకటముగా కన్పించును.
• 4. శరీరారోగ్యము పాడుచేసి, ఆయుష్కాలమును తగ్గించునంతటి శక్తులు మాత్రమే మత్తు పదార్ధములలో గలవు.
• 5. పిచ్చి ఆస్పత్రిలో చేర్చబడినవారిలో ఎక్కువమంది మత్తు పదార్ధములకు అలవాటు పడినవారే మతి చలించిన రోగులుగా చేర్చబడుచున్నారు.
• 6. మత్తుపదార్ధములు తెలివిని, జ్ఞానమును, చురుకైన మనసును, గొప్ప మనో బలమును పాడుచేయును.
• 7. మత్తు పదార్థములకు అలవాటుపడిన వారు స్వతంత్రత లేనివారై, బానిసలుగాను, కాపుదల లేనివారునై యున్నారు.