సమాప్తము

(యం. దేవదాసు అయ్యగారి ఉపదేశములు)

---

• 1. మరణము తప్పదు. శ్రమకూడా తప్పదు. ఈ రెండు ఎప్పుడు వచ్చునో ఎవరికిని తెలియదు. ముందే జాగరూకత కలిగి ప్రవర్తింపవలెను.
• 2. వయస్సులో చిన్నవారిని చూచి వారు చేతకానివారని, పనికిరానివారని, అభిప్రాయపడరాదు. అట్టి అభిప్రాయము వారియెదుట బైలుపడరాదు. ఎందుకనగా వారి భవిష్యత్ మనకు తెలియదు గనుక వారే దేశమునకు, సంఘమునకు, నాయకులు అగుదురేమో.
• 3. ఎవరిని ఏ విషయములోను నిరుత్సాహపరుప రాదు గాని, దేవుని వాక్యమునుబట్టి, ప్రార్ధన సహవాసమునుబట్టి ప్రజలను ప్రోత్సాహపరుపవలెను.
• 4. ప్రపంచములో కుటుంబమే ప్రాముఖ్యమైన స్థలము. ఇతరులతో, పరులతో కలసి జీవించుట ఎట్లో నేర్చుకొను పాఠశాలవంటిది ఈ కుంటుంబమే.
• 5. మన శాశ్వత జీవిత నివాసమును నిర్మించుటకు శ్రమలు చలువరాళ్ల వంటివని చెప్పవచ్చును.
• 6. గతకాల అపజయములనుగూర్చి అధైర్యపడక, ప్రస్తుతమందుగల ఆశీర్వాదములను తలంచుకొని జీవితము కొనసాగించుము ముందునకు నీవు అనేక దీవెనలు పొందగలవు.

మరనాత