ఉపదేశము: ఫాదర్. ముంగమూరి దేవదాసు

యోనా ఉపవాస చరిత్ర

ప్రసంగ తేది: 10-2-1946.

---

వాక్యము: యోనా 1:17

ఈవేళ యోనాయొక్క చరిత్ర ఉపవాస చరిత్ర బైబిలులో ఉన్న చరిత్ర చెప్పుచున్నాను. ఈదినము ఈ కథ తీసికొన్నాము. ఇది వరకు మోషే ఏలియా 40 దినములు ఉపవాసమును గురించి చెప్పినాను. మత్యగర్భమందు యోనా మూడు దినములుండెను. సముద్రములో, తుఫాను, ఓడలో గలిబిలి.

• 1. యోనా మారుమనస్సు పొందుట:- నన్ను శిక్షించితేనేగాని ఈ ప్రజలు రక్షింపబడుదురు అని మారుమనస్సు కలిగినది. ఒకరు అపరాధము చేసినప్పుడు మారుమనస్సు పొందితే దేవుడు తప్పు క్షమించును. యోనాను మ్రింగిన చేప తిమింగిలము చాలా పెద్ద చేప. దేవునివల్ల ఏర్పాటైనది (ఈచేప 18 బస్తాల బరువున్నది) గనుక చేప సరిగా అక్కడ ఉన్నది యోనాను చేప మ్రింగెను. మనిషి అరిగిపోవలసినది గాని లోపల ఉన్నాడు ఉపకారార్ధముగా దేవుడు చేప కడుపులోకి యోనాను పంపెను. తుఫాను ఆగినను చేప గర్భములో ఉన్నప్పుడు యోనా చరిత్ర వివరము తాను చేసినది గొప్ప అపరాధమే అని తెలిసికొన్నాడు తానును చేసినపనికి ఒక మంచి లక్షణము కలిగినది తన తప్పు తెలిసికొనెను.
• 2. యోనా చేప కడుపులో ఉన్న వార్త. రెండు భాగములు
  • 1) చేప కడుపులో యోనా పడిన అవస్థ.
  • 2) అతనిలో క్రొత్తగా కలిగిన దైవభక్తి.

1వ భాగము:- చేప కడుపులోనికి వెళ్లిన తర్వాత మనిషికి

• 1) కావలసినంత గాలి మనిషికి దొరుకుందా? దొరకదు.
• 2) సరే నిర్మలమైన గాలి. గాలి తక్కువ.
• 3) ఆహారము దొరుకుతుందా? మూడు దినములు ఆహారములేదు.
• 4) త్రాగటానికి నీళ్లులేవు.
• 5) మసలటానికి ఖాలీస్థలము లేదు.

ఈ ఐదు, ఇవి తానుచేసిన అపరాధమునకు శిక్ష అక్కడకు వెళ్లడముతోనే ప్రార్ధన ప్రారంభించెను. ఈ ప్రార్థన ముందే చేస్తే బాగుండును. శిక్ష అనుభవించుచున్నాడు కష్టస్థితిలో ఉన్నవారందరు జ్ఞాపకముంచుకొనవలసిన ప్రార్ధన.

• 1. ఉపద్రవములలో ఉన్నాడు,
• 2. పాతాళ గర్భములో ఉన్నాడు,
• 3. కేకలు వేసినాడు,
• 4 అగాధములో ఉన్నాడు,
• 5. ప్రవాహములు చుట్టుకొని ఉన్నవి,
• 6. వెలివేయబడియున్నాడు,
• 7. నాచు తలకు చుట్టుకొనియున్నది,
• 8. ప్రాణాంతములో ఉన్నాడు,
• 9. ఘడియలు (భూమి గొల్లెములు) వేయబడియున్నవి,
• 10. పర్వతపు పునాదులలో ఇరికియున్నాడు,
• 11. అడుగు లేక కూపములోకి పోయినాడు,
• 12. మూర్చపోయినాడు ఈ కష్టములలో యోనాకు దూషణ రావలసినది. గాని దేవా నన్ను రక్షించుమని ప్రార్థించినాడు.

మనిషి వచ్చు అవస్తలు చాలా ఉన్నవి దేవుని సెలవు లేనిదే ఏ అవస్థరాదు. మనిషి అపరాధముచేసే తప్పక అవస్థ వచ్చును. యోనాకు అవస్థలు వచ్చినవి గాని మరణమురాలేదు. యోబునుగూర్చి సాతాను సెలవు అడిగినప్పుడు దేవుడు ప్రాణానికి సెలవు ఇవ్వలేదు.

అపరాధము బట్టి అవస్థలు వచ్చును. చేపకు అవస్తే. ఎందుచేత యోనా అరగడు. యోనాకు అవస్తే; కేకలు వేసినాడు. ఈ మూడు రోజులు అవస్థపడమే. ఎక్కువ బాధ చావు కోరుకొన్నను రాదు. ఏడేండ్ల పరిపాలనలో బాధపడలేక చావు కోరుకొంటారు. చావురాదు. యోనా సముద్రములో పడలేదు. చేప కడుపులో పడలేదు. మరి ఎక్కడ పడ్డాడు. అవస్థలలో పడిపోయినాడు. దైవాజ్ఞలకు అప్పుడప్పుడు వచ్చును. ఇట్టి అవస్తలు వచ్చాను.

దేవుడు న్యాయవంతుడు గనుక సామాన్యులకు విశ్వాసులకు భక్తులకు అందరకు దైవాజ్ఞకు వ్యతిరేకముగా (విరోధముగా) నిడిస్తే దుష్ట ఫలితము తప్పదు. యోనా తెలిసి చేసినాడు. తప్పు చేస్తే శిక్ష తప్పదు. యోనా మారుమనస్సు పొందిన తరువాత తప్పు తెలుసుకొని తన్ను తాను శపించుకున్నాడు. ఎన్ని శపించినా తనజన్మమునే.

ఇది భక్తులకు గొప్ప అంతస్తు. నోటితో దూషించని దైవభక్తులు మనస్సుతో దేవునిదూషిస్తారు. యోబు ఏమి పాపము చేయలేదు. తననే శపించుకొనెను గాని దేవునిని దూషించలేదు. అట్లే యోనాకూడా అనలేదు. ఇది భక్తుల శ్రేష్టత. ఎన్ని శోధనలు వచ్చిన దేవునిమీద విసుగుకొనరాదు. విసుగుకొనకూడదు దేవుని పక్షముగా దేవుని ప్రతినిధులై యోనావలె యోబు ఉండవలెను.

• 1) సముద్రము మ్రింగినది
• 2) చేప మ్రింగినది
• 3) అవస్థలు మ్రింగినది. దేవునిని దూషించవలసిన కోపము.

ఈ మూడు చూపించినవి. ఈ మూడు ఏకకాలమందే మ్రింగినవి. దేవుడు మనమీద ఏదైనా కోపము వచ్చిన కోపము చూపడు కాని అవస్థలు మూలముగా కోపము వచ్చును. దేవునిలో దివ్యలక్షణములు ఉన్నవి.

• 1. దేవుడు ప్రేమగలవాడు
• 2. శక్తిగలవాడు
• 3. జ్ఞానము గలవాడు
• 4. నిర్వకారుడు
• 5. జీవము గలవాడు
• 6. నిత్యుడు
• 7. కృపగలవాడు
• 8. వెలుగు కలవాడు
• 9. శాంతలవాడు
• 10. న్యాయవంతుడు
• 11. సర్వవ్యాపి
• 12. పరిశుద్ధత గలవాడు
• 13. న్యాయలక్షణము చేప యోనాను మ్రింగే సమయములో న్యాయ లక్షణము యోనాను మ్రింగివేసినది.

మూడు రోజులవరకు మ్రింగుచునేయున్నవి తరువాత చేప మ్రింగినది. తరువాత సముద్రము మ్రింగినది. తరువాత అవస్థలు మ్రింగినవి గనుక మొట్టమొదట మ్రింగినది దేవుని న్యాయ లక్షణము.

1వ ఉదా:- పిల్లి ఎలుకను పట్టుకొని విలవిలలాడించినట్లు యోనాను దేవుని న్యాయలక్షణము మూడు రోజులు భుజించినది.

2వ ఉదా:- పులి మేకను పట్టుకొని గుంజినట్లు యోనాను న్యాయము గుంజినది. వెంటనే దేవుని ప్రేమ బయలుదేరి యోనాను రక్షించినది.

3వ ఉదా:- సాధుసుందర్ సింగ్ గారిని పట్టుకొని పాడు నూతిలో పడవేసిరి. అంధకారము గ్రమ్ముకొన్నది. శవముల కంపుగా లేదు ఉన్న గాలి కంపు తాళము వేసిరి. తాళపు చెవి రాజుగారి దగ్గర ఉన్నది.

సాధుసుందర్ సింగు ప్రార్ధన:- నా దేవా నా దేవా నన్నెందుకు చెయ్యి విడిచితివి అని ప్రార్ధనచేసినాడు. 3 రోజులు తర్వాత దేవదూతలు గొలుసు వేసి బైటకు తీసినారు. దేవుని మహిమ కొరకు హతసాక్షులైనను మనము దేవుని కొరకు కొన్ని భయంకరమగు శ్రమలు వచ్చును.