ఉపదేశము: ఫాదర్. ముంగమూరి దేవదాసు

ప్రభు భోజన సన్నాహోపదేశము ప్రవేశము

ప్రసంగ తేది: 3-11-1959
రెవ. డా॥ జె. జాన్ సెల్వరాజ్ అయ్యగారి పుస్తకము (1)

---

వాక్యము: దానియేలు 2:9; ప॥గీ॥ 4:11

పాట: బైలుపరచినావు....

• ఎ) పదియాజ్ఞలలోనున్న విషయములు ముందుగా నేర్చుకొని ఆ ప్రకారము చేసి అప్పుడు సిద్ధపడవలెను. 10 అజ్ఞలు క్రైస్తవుని ఆత్మీయ వ్యాధులను చూపించే ఒక పరీక్షపత్రము.
• బి) విశ్వాస ప్రమాణము అనునది వ్యాధులను కుదుర్చనట్టి వైద్యుని చూపించునది. దానిలో సృష్టికర్తయొక్కయు, క్రీస్తుప్రభువుయొక్కయు, పరిశుద్దాత్మ యొక్కయు పనులు అనగా క్రైస్తవుని క్షేమార్ధమై తండ్రి, కుమార, పరిశుద్ధాత్మలు చేసినట్టియు చేయనైయున్నట్టియు పనులున్నవి.
  
  10 ఆజ్ఞలు మనిషియొక్క పాప వ్యాధిని చూపించి భయపెట్టును. అయితే విశ్వాస ప్రమాణము పాపవ్యాధులను పోగొట్టునట్టి వైద్యుని చూపించును.
• సి) ప్రభువు ప్రార్ధన అనునది ఆ వైద్యుని ఎట్లు వేడుకొనవలెనో నేర్పును. జబ్బు తెలిసిన తర్వాత జబ్బును కుదుర్చు వైద్యుడున్నాడని తెలిసిన తర్వాత అప్పుడు మందు వేయవలెను.
• డి) మొదటి మందు బాప్తిస్మ సంస్కారము. ఇది పొందినవారికి పాప పరిహారము మొదటి జరుగును. అనగా పాపవ్యాధి పరిహారము కలుగును అప్పుడు విశ్వాసికి నాలుగురెట్లు సంతోషము.
  • 1. జబ్బు తెలుసుకొనుట 10 ఆజ్ఞలకు.
  • 2. ఆ జబ్బును కుదిర్చే వైద్యుని తెలిసికొనుట.
  • 3. బాగుచేయడము. ఎలా అడగాలో తెలుసుకొనుట: ప్రభువు ప్రార్ధనలో.
  • 4. వ్యాధి పోగొట్టుకొనుట: బాప్తిస్మ సంస్కారముద్వారా.

  షరా:- మనిషిలో ఉన్న జబ్బులు. ఆజ్ఞకు ఒక్కొక్క జబ్బు చొప్పున ఒక్కొక్క ఆజ్ఞ ఒక్కొ పాప వ్యాధిని చూపించును. జబ్బు ఉన్నదని తెలిసికొనుట మంచిదేకదా తెలియకపోతే హాని. ఒక మనిషికి ఒక వ్యాధి ఉన్నది ఆ వ్యాధి ఉన్నట్లు అతనికి తెలియదు. ఎక్సరే తీయిద్దామనుకొనెను. అనుకొనని రీతిగా వెళ్లి ఎక్సరే తీయించుకున్నపుడు నీ జబ్బు ముదిరిపోయింది ఒక్క గంటలో ఆపరేషన్ చేసి అరటికాయ వంటి కణితె తీసివేసిన తర్వాత బ్రతికినాడు.

• ఇ) పాప పరిహారమైనది బాప్తిస్మకాలములో అయినది నేను రక్షించబడ్డానని మురిసాడు కాని, మరల పాపములో పడ్డాడు. ఇప్పుడేమి చేయాలి? మళ్లీ బాప్తిస్మము పొందాలి. లేదా గోదావరిలో ముంచాలి. అందుచేత ప్రభు సంస్కార భోజనము ఏర్పరచినాడు. అందువల్ల పాపములో పడకుండా బలము దొరుకును. బాప్తిస్మము తర్వాత చేసిన పాపమునకుకూడా పరిహారముకూడ దొరుకును.

షరా:- ఇది ఎలాగుందనగా: మనము పుట్టటము ఒక్కసారే, తినడము రోజు. అలాగే పాపపరిహారము పొంది నూతన జన్మము కలిగియుండడము ఒక్కసారే. కాని ప్రభు భోజనము అనేక పర్యాయములు.

అయ్యగారు - దేవా నాకు సహింపు దయచేయుమని ప్రార్ధన చేసికొన్నారు.

షరా:- బైబిలు మిషనులో దర్శనమందు ప్రభువే స్వయముగా సంస్కార భోజనము వడ్డించుచున్నారు ప్రతి లక్ష్మివారము. అయినప్పటికిని ప్రతిరోజు ఇస్తాను అని అంటున్నాను ఇదేవరకే.

• 1. మందు లేకుండానే జబ్బులు బాగవును అనుట ఒక దుర్భోద.
• 2. పాదిరిగారు లేకుండానే సంస్కారము ఇస్తారు అనుట రెండవ దుర్భోధ. ఈ రెండు దుర్భోధలను బట్టి నాయందు నా స్వంత మిషను వారికి ద్వేషము కలిగినది. అయ్యగారు అటు ఇటు చూడలేదు. మొదటి ఆజ్ఞలో బైలుపడు పాపములు. మనలో ఏ తప్పులున్నవో 10 ఆజ్ఞల చొప్పున తెలిసికొనకపోతే రాత్రి ప్రభు భోజనము దగ్గరకు ఎలా వెళతారు.

• ఎ. దేవుడు కలడు అని నమ్మి దేవుడు లేడు అన్నట్లుగా మెలిదిరిగి నడుచుకొనుట పాపము. నేనింత పాపముచేస్తే ఆయనకెలా తెలుస్తుంది. ఇసుక రేణువంత పాపముచేస్తే ఆయనకేలాగు తెలుస్తుంది.
• బి. ఇసుకరేణువంత తలంపు పాపముంటే మనస్సులో ఉంటే అది ఆయనకు ఎలాగు తెలుసును అని అనుకున్నయెడల అది పాపము.
• సి. పెద్ద పాపాలుంటే మాత్రము దేవుడు క్షమింపగల శక్తిమంతుడు కాడా? చచ్చిపోయెటప్పుడైనా నేను ఒప్పుకుంటాను అని అనుకొనుట వల్ల దేవుని లోకువకట్టినట్టు ఇదియొక పాపము.
• డి. ప్రార్ధన నెరవేరనప్పుడు ఏమి దేవుడు అని తల కట్టి పండుకొనుట ఇది ఒక పాపము.
• ఇ. ధనము, విద్య, గొప్పవంశము, పొలములు, ఇతర ఆస్తులు ప్రజల వలన గౌరవము ఆరోగ్యము ఈ మొదలైనవి అంతరంగ విగ్రహములైయున్నవి. ఈ విగ్రహములుంటే దేవుని తలంపు ఉండదు. సొమ్ము ఉన్నది ఇక దేవుడెందుకు? విద్య ఉన్నది ఇక దేవుడెందుకు? నమ్మకముగల భార్య, పిల్లస్త్ర భక్త బంధువులు. వీరందరివల్ల సుఖజీవనము కలుగుట. ఇవన్నియు ఇన్ని విగ్రహములు. లూథరు ఏమిచెప్పినారంటే వాటిని ప్రత్యక్షతగలవారికందరికి బోధపడును. ఇవన్ని కలిగియుండి సంతోషించుట మంచిదే కాని వాటిని ప్రేమించుటను మించి వీటిని దేవునికంటే ఎక్కువ ప్రేమించకూడదు.
• ఎఫ్ ) వీటిని నమ్ముకొని మరియొక పాపము ఎలాగంటే నాకిన్నియున్నవి. ఏమికొదువలేదు అని అనుకుంటే ఏదో గాలి తుఫాను వచ్చి అన్నిటిని ఒక్కనాడే కొట్టుకొని పోవును ఎందువల్లనంటే దేవునికంటే ప్రేమించుటవల్ల ఇది భయపడడం ఎక్కువ నమ్మటం. బయలుదేరేటప్పుడు దేవా నేను ఊరికి వెళ్లుతున్నాను నీ దేవదూతలు కావలయుంచుము. భయము ఇదొక పాపము. ఇదొక విగ్రహారాధన.
• జి) నేను తప్ప వేరొక దేవుడు లేడు అని మొదటి ఆజ్ఞలో చెప్పిన దేవుడే కదా తక్కిన తొమ్మిది ఆజ్ఞలు చెప్పినాడు గనుక ఆ తొమ్మిది ఇందులోనే జ్ఞాపకము వచ్చును. ఇదొక పాపము ఇదొక విగ్రహారాధన. ఇన్ని పాపములుంటే ఇన్నిటికి ఒక ఇరుగుడు (ఒక మాత్ర) యాకోబు 2:10. ద్వితీయోపదేశకాండ కొండమీద ప్రసంగంయున్నవి ఇవన్నీ ఆజ్ఞలు.
• హెచ్ ) నేను నీ దేవుడైన యెహోవాను నేనే. నిర్గమకాండములోనిది. బహిరంగ ఆజ్ఞలు ఇప్పుడు అయ్యగారు చెప్పినది అంతర (ఆజ్ఞలు) విగ్రహారాధన.

ప్రార్ధన:- దయగల ఓ తండ్రీ మీయొక్క మహామహోపద్యాయుడైన తండ్రీ నీకు వందనములు. మాయందు నీకు అధికమైన ప్రేమ అందుచేత ఆకాశము, భూమి మా యెదుట పరచి ఇవిగో ఇవి మీ కొరకే ఇవిగో నేను నీ కొరకే అని చెప్పగల దేవుడవు గనుక నీకు స్తోత్రములు. దయగల తండ్రీ ఎవరు తైలము తెచ్చుకొన్నారో వారిని ఆ తైలమును వారు సద్వినియోగపరచునట్టి చర్యను దీవించుము. అది నీవు నీ గ్రంథము చెప్పే తైలము ఎవ్వరైతే ఈ గదిలో ఆత్మశుద్ధి లేకుండా ఉన్నారో అట్టివారిని శుద్ధీకరించుము మరియు శరీరములో ఎవరికి అనారోగ్యమున్నదో వారికి స్వస్థత దయచేయుము. మాకందరికి సుఖనిద్ర దయచేయుము. ఇప్పుడు ఎవరైతే క్రొత్తగా ప్రార్ధన కొరకు వచ్చినారో వారిని కనికరించి వారియొక్క కోరిక నెరవేర్చుము. ఓ తండ్రీ ఈ గృహములో, ఈ కంపౌండులో కాకానితోటలో, పట్టణమంతా ఉన్న ఒక్కొక్కరిని దీవించుము. మా తరగతిని దీవించుము. రేపు ఎవ్వరు సిద్ధముగా ఉందురో వారికి అంతరంగ సంస్కార భోజనము అనుగ్రహించుము. ఓ తండ్రీ! మా జీవితకాలము అంతయు శరీర ఆహారము భుజించుచున్నాము మూడు నెలలకు ఒక పర్యాయము కాక ఒక నెలకు ఒక పర్యాయము కాక ఎప్పుడుపడితే అప్పుడే సంస్కార భోజనము కొరకు ఆశించే శ్రద్ధ దయచేయుము. అప్పుడు మా శరీరాత్మలకు బలము ఉండును. సైతానుయొక్క యత్నములన్నీయు నాశనము చేయుము. భూతము కనబడగానే మేము స్వభావ సిద్ధముగా భయపడుదుము. అలాగుకాక మాలో నీవు సంస్కార భోజనము ఉండుట కావలి. దూతలు ఉండుట చూచి సైతాను భయపడవలెను కాని మేము భయపడకూడదు అట్టి సింహపు గుండె దయచేయుము. రేపు సంస్కార భోజనము తీసికొనేటట్టు ఆకలి దప్పిక శ్రద్ధ దయచేయుము. ఈ రాత్రి సర్వగండములనుండి కాపాడుము. మాయొద్ద నీ దూతలను కావలిగా ఉంచుము ఆమేన్.

అయ్యగారికి రాజమండ్రిలో ఎంత స్పష్టమైన సంస్కారభోజనము ఇచ్చినారో మాకును అనుగ్రహించుము ఆమేన్.