(యం. దేవదాసు అయ్యగారి ఉపదేశములు)

18వ పాఠము(రక్షణ బల్ల)

---

వరుని మహిమ:-

• 1) రాకడ కొరకు నిరీక్షించుచున్న విశ్వాసులారా! రాకడకొరకు విశ్వసించుచున్నవారు. పైకి మేఘములోకి ఎందుకు? బలము పొందే నిమిత్తము. దైవ వాక్యపఠన చేయవలసియున్నది. ఎవరు వాక్యపఠన చేయగలరో దాని ప్రకారము నడుచుకొనగలరో వారే మేఘముమీద ఎగిరి వెళ్ళగలరు. అట్టివారు ముందుగా దైవగ్రంథములోని సంగతులు బాగా చదివి విని, ధ్యానించి నడుపవలెను.
  
  ఉదా:- అందరము తినవలసిన ఆహారము తినేవారు నడువగలరు. తిండిమానితే నడువలేరు. అలాగే మనముకూడా వాక్యాహారము వల్ల మేఘము లోనికి ఎగిరేశక్తి పొందగలము.


• 2. మరియొకటి మనకు కావలెను. అది ప్రభు భోజనము. ఈ భోజనము గురించి కొన్ని సంగతులు జ్ఞాపకము చేయుదును. ఈవేళ నేను మీకు చెప్పే అంశము ప్రభువు యొక్క బల్ల సిద్ధముగాయున్నది. ప్రసంగముయొక్క ఆరంభము నుండి అంతము వరకు ఇదే మనస్సులో జ్ఞాపకముంచుకొనండి. మనము సిద్ధముగా ఉన్న లేకపోయిన ప్రభువుబల్ల మాత్రమే మనకు సిద్ధముగా నున్నది. మనము జ్ఞాపకముంచుకొనవలసిన అంశము ఇదే. మనము సిద్ధముగా నున్నాము అనేది వచ్చే ఆదివారము అనగా ప్రభుభోజనము పుచ్చుకొనుటకు ముందు మాత్రమే కాదు.

• 1) ప్రభువు బల్ల సిద్ధముగా నున్నదని చెప్పకముందు నేను కొన్ని సంగతులు జ్ఞాపకము చేయుదును. లోకమంతటికి ఒక బల్ల, ఇశ్రాయేలీయులకు ఒక బల్ల. లోకమంతటికి నీ వెలుపట ఒక బల్ల; అనగా సృష్టి వెలుగు, గాలి, ఆకాశము మొదలగునవి.


• 2) రెండవ బల్ల: ప్రభువు యూదులకొరకు అరణ్యములో 10 సం॥ల క్రిందట వేసిన బల్ల. దేవుడు వారికి కావలసిన ఆహారము నిర్గమ 16వ అధ్యాయములో ఇచ్చెను. గాలిలో మంచి ఆహారము ఆ బల్లమీదకు వచ్చినది. కొండలోనుండి ఆహారము వచ్చినది. ఆకాశములోనుండి ఆహారము వచ్చినది. ఆ బల్లమీదకి కొండలోనుండి అనగా భూమిలోనుండి ఆహారము వచ్చినది. ఇది ఇశ్రాయేలీయులకు ఏర్పరచిన బల్ల. ఇది ప్రత్యేకముగా ఇశ్రాయేలీయులకే.


• 3వ మూడవ బల్ల: ఈ బల్ల మత్తయి 22; లూకా 14వ అధ్యాయములోను ఉన్నది. యేసుప్రభువు దానిపేరు చెప్పకుండ దాని తీరు మాత్రమే చెప్పెను. ఆయన ఏ సందర్భములో చెప్పెను? దేవుని రాజ్యములో భోజనంచేసే వారు ధన్యులని ఒకరు అనగా దానికి యేసుప్రభువు ఇచ్చిన జవాబు దేవుని రాజ్యమును, భోజనమును ధన్యులు. ఈ మూడింటికి అర్ధము కొంత అతనికి తెలిసెను ఇదే మూడవ బల్ల.
  
  ఉదా:- ఒక ధర్మకారి యుండెను. ఆయన నా సంతర్పణకు అందరు రండి అని ఒక కబురు పంపెను. కొంతమంది వచ్చిరి కొంతమంది రాలేదు. చివరకు ఆయన అన్నారు. వివరములేకుండా అందరిని పిలవండి అన్నాడు. గ్రుడ్దివారిని, కుంటివారిని, అంగహీనులను, అందరిని పిలవండి అన్నారు. రండి భుజించుడి అనెను. వీధులలో అక్కడ జబ్బుగలవారు, చిక్కుగలవారు, బిక్షకులు ఉంటారు. వారిని తీసికొని రండి. ఊరిబయట, కంచెలనుండేవారు, వారిని తీసికొని రండి. రాజబాటలలో ఉండేవారు, ప్రయాణీకులు, కంచెలలో ఉండేవారు, గజ దొంగలలో ప్రసిద్ధికక్కినవారు అన్నిటికి ఫర్వాలేదు అనెను. అందరు నా భోజనము తినాలి అని మత్తయి 22, లూకా 14లో ప్రభువు చెప్పెను. ఇది దేనికి గుర్తు అనగా ప్రభువు ఈలోకములో సిద్ధపరచిన రక్షణ మహాభాగ్యము. లేక రక్షణ బల్ల. ప్రయాణీకులు రావాలి ఎందుకంటే ప్రయాణం ముఖ్యముకాదు. మహారక్షణ భాగ్యము గొప్ప విందు. అది లోకాంతమువరకుండును. కాబట్టి ఆ బల్ల అది తీసివేయబడదు.
  
  మరియొక బల్ల దావీదు 23వ కీర్తనలో ఉన్నది. యెహోవా నా కాపరి అని నమ్మేవారికే. అది పచ్చిగలచోట్ల ఆయన నన్ను పరుండ జేయును అనే వారికే. అది తన నామమునుబట్టి నీతిమార్గములో నన్ను నడిపించుచున్నాడను వారికే. ఆ బల్ల గాఢాంధకారపు లోయలలో నేను సంచరించినను, ఏ అపాయమునకు భయపడను అనువారికే ఆ బల్ల. నేను బ్రతుకు దినములన్నియు, కృపా క్షేమములే, నావెంట వచ్చును అని చెప్పువారికే ఆ బల్ల. అది నమ్మేవారికే ఆ బల్ల; అది దావీదు కీర్తనలో మాత్రమే కనబడుచున్నది. ఏమంటే నీవు నా శత్రువుల యెదుట భోజన బల్ల సిద్ధపరచుదువు. ఇది వీధులలో ఉండే వారికే కాదుగాని కేవలము ప్రభువు యొద్దకు వచ్చేవారికే ఈ బల్ల.


• 4. విశ్వాసులకొక బల్ల:- సంతుష్టి బల్ల. రక్షణ పొందేవారు ఆ మాట అంటారు. నీళ్ళు తక్కువైనా బియ్యము తక్కువైనా తక్కువ అని అనరు. అది వారికే లెక్కలేదు. మాకు కొదువలేదు అంటారు. అయితే నరులకు బల్ల ఒకటి పరలోకములో సిద్ధమగుచున్నది. ఇప్పుడు మనకు భూలోకములో అదికాదు ప్రపంచములో కాదు.

అది రక్షణ బల్ల అందరికి గృహములోకాదు అది సంతుష్టిబల్ల. సంఘములో కాదు సంఘ బల్ల అందరికికాదు నా పాఠమేమంటే, ప్రభువు బల్ల సిద్ధముగా నున్నది. నీవు వచ్చినను రాకున్నను సరే అది సిద్ధముగానున్నది. మిషనెరీ బొట్లర్ ఏమిచేయును? అంతా సిద్ధముచేసి గంట వాయించును. అలాగే యేసుప్రభువు ఈ బల్ల సిద్ధము చేయించెను.

• 1) దీనిమీద కనబడే రొట్టె ఉన్నది : బోధకుడు సిద్ధపరచినది.


• 2) దీనిమీద కనబడే ద్రాక్షారసమున్నది : బోధకునిద్వారా సిద్ధపరచబడినది


• 3) దీనిమీద కనబడే విశ్వాసి ఉన్నాడు: మోకాళ్లూని


• 4) రొట్టె వెనుక యేసుప్రభువుయొక్క శరీరమున్నది. ద్రాక్షారసము వెనుక యేసుప్రభువు యొక్క అమూల్యమైన ప్రాణ రక్తమున్నది.
  బల్ల వెనుక యేసుప్రభువుయొక్క పై రెండును కనబడునవి కావు యేసుప్రభువే ఉన్నాడు.


• 5) ఇక్కడ యేసుప్రభువు ఉన్నాడు. ఆయనకు కనబడడు, ఇది కనబడడం లేదు ఇది కనబడడంలేదని విశ్వాసి చింతపడడు అతడు ఆత్మ నేత్రములతో చూచును.

యేసుప్రభువు దేనిలో కనబడ్డారు? శరీర నేత్రములకు బోధకునికి కనబడెను గాని అవిశ్వాసికి కనబడడు గనుక హేళనచేయును. ఇంత దివ్యమైన భోజనం అనుభవించే విశ్వాసికి ఆ హేళన ఎందుకు? శరీర నేత్రములకు కూడా హేళనే. అవిశ్వాసికి ఆ హేళన ఎందుకు? తన తలంపు ఏమంటే యేసుప్రభువే ఇక్కడున్నాడు అనుకొనును. అది ఎప్పుడు సిద్ధముగా నున్నది. అది సోమవారమునాడే, మంగళవారము కూడా. బుధవారము, మరీ సిద్ధముగా నున్నది. ప్రభువు ఆనాడే అది మనకు తయారు చేసి యుండెను. శనివారము ఎందుకంటే ఆయన ఆదివారము కొరకు సిద్ధపడుచున్న దినము. శనివారము గనుక శనివారముకూడా సిద్ధముగానున్నది. ఆదివారము అయితే అసలే సిద్ధముగా ఉన్నది. గనుక ఎప్పుడైనా సరే. ప్రభువుబల్ల ప్రతిరోజూ సిద్ధముగా నున్నది.

పగలు సిద్ధముగానున్నది, రాత్రి, ఉదయం, సాయంకాలము, సోమవారమునుండి ఆదివారము వరకు సిద్ధముగానున్నది. సంవత్సరము పొడుగునా సిద్ధముగానున్నది. అది తీసివేయబడదు - ఎప్పుడో 2వేల సం॥ముల క్రిందట వేయబడిన బల్ల వేయబడి యున్నది. బల్ల తీసివేస్తే సంఘముకూడా తీసివేయబడవలసినదని సుందరసింగు అన్నారు. ఇచ్చేవారుంటే ప్రతిరోజు నేను ప్రభు భోజనము తీసికొంటాను అనెను. తిన్నా తినకపోయిన ప్రభువు బల్ల సిద్ధముగానేయున్నది. అయితే ప్రభువు బల్ల సిద్ధపర్చేదెవరు? ఆ ధనికుడు ఎంత గొప్పవాడు కాకపోతే అందరిని పిలుచును? అని ప్రజలు అనుకొన్నారు. ఈ బల్ల సిద్ధపరచినవాడు యేసుప్రభువు గనుక మనము తప్పకుండా శ్లాఘించవలెను యోహాను 15:13లో ఏమున్నది? ఒక స్నేహితుడు ఒక స్నేహితుని కొరకు ప్రాణమిచ్చుట కంటే గొప్పదేది? ప్రభువు తన శరీరము ఈ బల్ల రక్తము జీవము అని ఉన్నది. ఆయన తన ప్రాణము అర్పించెను గనుక అది మహా విలువైన భోజన సంస్కారము.

ప్రభువు ఈ కొద్ది మాటలను దీవించునుగాక!