(యం. దేవదాసు అయ్యగారి ఉపదేశములు)

9వ పాఠము(వాక్యధ్యానము పాపశుద్ధి)

---

(I).
• 1) ప్రభువు బల్లయొద్దకు రాకముందు దేవుని యెదుట ప్రార్ధన గదిలో తప్పిదములన్నియు ఒప్పుకొనవలెను. క్షమించుమని వేడుకొనవలెను. ఇకమీదట జాగ్రత్తగా నుందునని చెప్పవలెను.


• 2) తత్పూర్వము ఇతరులకు విరోధముగా చేసిన తప్పిదములు వారియొద్ద ఒప్పుకొనవలయును.


• 3) లూథరు చిన్న ప్రశ్నోత్తరి వివరముగల స్టాంపు ప్రశ్నోత్తరి బాగుగా చదువుకొనవలెను.


• 4) ప్రభువు భోజనమును జ్జప్తి తెచ్చు బైబిలులో నున్న వాక్యములు ధ్యానింపవలెను.
  అవేవనగా మత్తయి 26:17-29;
  మార్కు 14:22-25;
  లూకా 22:14-20;
  1కొరింథి 11:23-29;
  మత్తయి 5:6;23,24
  లూకా 14:15-24
  యోహాను 6:53-57;
  ప్రకటన 19:9
  అది 14:18;
  నిర్గమ 12:21-28
  2సమూ. 9అధ్యా॥;
  1రాజు 5:6; కీర్తన 23,


• 5) ప్రసంగము జాగ్రత్తగా వినవలెను. ఇట్లు సిద్ధపడవలెను.


• 6) బల్లయొద్దకు వెళ్ళుచున్నపుడు ప్రభువు మీ ఆత్మకు భోజనము పెట్టుటకు ఎదుట నిలువబడియున్నాడని తలంచుకొనవలెను.


• 7) భోదకుడు రొట్టె, ద్రాక్షారసము ఇచ్చునపుడు ప్రభువు తన శరీర రక్తములు అనుగ్రహించుచున్నాడని దృఢముగా నమ్మవలెను.


• 8) రొట్టె తీసికొనునపుడు ఆయన శరీరమునుకూడ రొట్టెతోపాటు తీసికొనుచున్నామని విశ్వసింపవలెను. ద్రాక్షారసము తీసికొనునప్పుడు ఆయన రక్తమునుకూడ తీసికొనుచున్నామని విశ్వసింపవలెను. ఆ రెండు తీసికొనుట ఎంత నిశ్చయమో ఈ రెండును తీసికొనుట అంత నిశ్చయమైయుండవలెను. నోటితో ప్రభువుయొక్క శరీర రక్తములు అందుకొనుట ఎంత ధన్యత అని ఆనందింపవలెను.


• 9) ఒకవేళ రొట్టె పొడుము రాలినయెడల ప్రభువు శరీరము అందకుండ రాలిపోయెనని తలంపవద్దు. ద్రాక్షరసము ఒక చుక్క ఒలికినయెడల ప్రభువు రక్తము ఒలికినదని అనుకోవద్దు.


• 10) బల్లయొద్దయున్నంతసేపు ప్రభువు భోజనమును మాత్రమేకాక ఆయన మరణమునుకూడ జ్ఞాపకము తెచ్చుకొనవలెను. మరియు పరలోకములో అనుభవింపబోవు విందునుకూడ తలంచుకొనవలెను.


• 11) ప్రభువు భోజనమునకు భోధకుని అయోగ్యత అంటుకొనద్దు.


• 12) ప్రభువు భోజన మర్మము గ్రహింపలేకపోయినప్పటికిని ప్రభువు ఏర్పాటు గనుక నిశ్చయముగా ఉపకారము కలుగనని నిరీక్షింపవలెను.


• 13) భోజనమైన తర్వాత నెమ్మదిగా మీ స్థలమునకు వెళ్ళి ప్రార్ధన కాదుగాని స్తుతిచేయండి.


• 14) ప్రభు భోజనము పుచ్చుకొన్న తర్వాత మీ జబ్బుపోయినది అనికొందరు చెప్పుచున్నారు ఇది నమ్మవచ్చును. పాపములే పోగొట్టగల ఆయన జీవము రుగ్మతను పోగొట్టలేడా?

(II).
• 1) ఉదరశుద్ధి లేనిదే ఆహారము తినరుగదా! అట్లే పాపశుద్ధి లేనిదే ప్రభు భోజనము పుచ్చుకొనరాదు అట్లు పుచ్చుకొన్నయెడల హాని కలుగును. “వివేచింపక తిని త్రాగువాడు తనకు శిక్షావిధి కలుగుటకే తిని త్రాగుచున్నాడు” అని పౌలు 1కొరింథి 11:29లో చెప్పుచున్నాడు.


• 2) ప్రభువు రొట్టెముక్కను ఇస్కరియోతు యూదా నోటికి అందించెను. “పుచ్చుకొనగానే సాతాను వానిలో ప్రవేశించెను ప్రభువు భోజనము అయోగ్యతగా పుచ్చుకొనువారికి ఇట్టి గతి సంభవించును గనుక జాగ్రత్తపడండి.

తినుటకు త్రాగుటకు ఏమియు దొరకని అరణ్యములో దేవుడు తన ప్రజలకు భోజనపు బల్లవేసెను. ఆరులక్షలకన్న ఎక్కువగానున్న వారికి నలుబది సంవత్సరములు పోషణ జరిపెను. ఇదెంత ఆశ్చర్యము! మరియొక అరణ్యములో అయిదు వేలమంది కంటె ఎక్కువమందికి ప్రభువు భోజనపు బల్లవేసెను. ఆయన వారికి అద్భుతమైనరీతిగా కావించిన ఆహారము వారికి తృప్తిపరచెను. ఇదెంత ఆశ్చర్యము! కరువు కాలములో ఏలియా అనుభక్తుని అరణ్యమునకు చేర్చి పక్షులచేత ఆహారము పంపెను. ఇదెంత ఆశ్చర్యము! ప్రభువు విశ్వాసులకు రెండువేల సంవత్సరములనుండి తన శరీర రక్తములను ఆహారముగా ఇచ్చుచున్నాడు. ఇది అన్నిటికంటె ఎంత ఆశ్చర్యము!

క్రీస్తుప్రభువుయొక్క శరీర రక్తములు విశ్వాసులకు అన్నపానములై యున్నవి అనుట అవిశ్వాసులకు కర్ణకఠోరముగా నుండును. మనము భుజించుమని మన శరీర రక్తకములవంటిదికాదు. అవి మహిమ వస్తువులు గనుక శ్రవణీయము ఒకటి ఇంటవిందన్ననూ, ఒక ఊరిలో సంతర్పణన్ననూ పరుగు. ప్రభు భోజనమన్ననో! భోజన సంస్కారాలోచన రాగా కరకరమని ఆకలివేయుచున్నదా? ఆకలిలేనియెడల ఆత్మలో ఏదో ఒక జబ్బు అని గ్రహించుకొనవలెను. ఆకలి లేనిదే ఎవరన్నము తిందురు? ఈ పత్రిక చదువుకొని మీరెట్లు సరందమౌదురో!