యేసు ప్రభువు చివరి ఏడు రోజుల యెరూషలేము యాత్రలో పొందిన శ్రమలను ఈ 40 రోజులు ధ్యానము చేయుదము.ప్రభువు యొక్క మహా శ్రమ ముగిసింది,అనాదిలో ఉద్దేశించిన రక్షణ మహా సంకల్ప లక్ష్యం నెరవేరింది. కాబట్టి సంతోషముతో ధ్యానము చేయుదము. మనముందు చాలా పని వుంది. ఇదే సమయంలో లోటు, లేమి కూడ ఉన్నాయి. సాధించవలసిన గమ్యం కూడ కొంచెం దూరంలోనె ఉంది. అయినా గాని ఈ 40 రోజులలో ప్రభువు యొక్క ఉద్ధేశమును తెలుసుకొని ఆయన యొద్దనుండి శక్తి పొంది గురిని చేరుదము.

arrow

కృపా శాస్త్రము

దేవుడు దేవదాసు అయ్యగారికి అందించిన వర్తమానాలలో ఒక నూతన శాస్త్రము - కృపా శాస్త్రము. దీని ప్రకారం దేవుడు మనకొరకు సిద్ధపర్చిన తన రక్షణ మహా సంకల్పమును ఎరిగిన వారమై ఆయన యిచ్చు ఆహ్లాదకరమైన, తాజదనముతో కూడిన నూతన జీవితమును ప్రతి దినము అనుభవించే ధన్యత మనకు కలుగుతుంది. మనము విశ్వాసముతో సంపాదించుకొనుచున్నవన్నీ ఆయన మూలముగానే కలిగెను. అయినను మనకు శ్రమలు, కొదువ ఉన్నవి. అన్నిటిని జయించుటకు దేవుని కృప ఈ శ్రమకాల ధ్యానములో ఉన్న మనకు తోడై ఉండును గాక!

అయ్యగారి మాట:- మనము ఇంకను పాపములో ఉండిన యెడల కృపను లోకువ గట్టుటయే.

దేవుడు మొట్టమొదటిసారిగా నోవహునకు కృపను పరిచయం చేసెను. నోవహు ఇచ్చిన సాక్ష్యమేదనగా "లోకమంతయు ఘోరపాపములో పడివున్నను, మనము ఎంత శోధింపబడినను నీతిలో నివసించుటయే కృప. ఈ కృపవలన లోకములోనుండి ప్రభువు మనలను రక్షించును".

సిలువకు ముందు ఆఖరివారములో ప్రభువుపడిన శ్రమ

దేవుడు అనాదిలో సృజించి, ఆదిలో సృష్టించిన అన్ని మంచి ఫలములను తిరిగి (ఆదాము వలన కోల్పోయినవి) నిర్మించడానికి, అనవసర పద్దతులను తొలగించడానికి మన ప్రభువైన యేసుక్రీస్తు తన ఆఖరి వారం రోజులలో ఎక్కడా రాజీ పడలేదు. ఆయన ఆత్మను పొందిన మనము ఆయన వచ్చినప్పుడు అతి సుందరముగా అలంకరించబడిన వధువుగా కనిపించుటకు ఆశక్తి కలిగివుందుము గాక!. ఈ సంవత్సరం లెంటు గురి యేదనగా "సంఘ మరియు స్వంత వాగ్దానముల నెరవేర్పుకొరకు నిర్మాణాత్మక క్రియాభ్యాసము". అపొస్తలులైన పేతురు గారిచే నిర్మింపబడ్డ సంఘము అనేక శాఖలైనప్పటికిని క్రీస్తు ప్రేమను బట్టి అవన్ని కలిసి ఘనకార్యములు చేయుటకు ఈ సంవత్సరము ప్రభువు ఆత్మ పనిచేయును గాక!

ప్రభువైన యేసుక్రీస్తు ఈ భూమి మీద శరీర ధారిగా ఉన్నపుడు చేసిన ప్రతి పని, దానికి వాడబడినవన్ని (ప్రాంతములు, రాజులు, మనుష్యులు, జంతువులు, చెట్లు, సిలువ మ్రానులు ...మొదలగునవి) ముందుగా తన ప్రణాలికలో ఉన్నవే మరియు తన ప్రవక్తలకు పాతనిబంధనలో తెలియజేసినవే. ఆయన అనాది సంకల్ప మహా రక్షణ ప్రణాలికను అమలు చేయుచున్న రెండు గుంపులు ఆయనను వెంట నడుచుచున్నవి.

యాజకులు: మన ప్రభువు ప్రణాలికను అమలుపరుస్తున్నామని తెలియక, ఆయనను ద్వేషిస్తూ, కళ్ళెదుటె ప్రత్యక్షంగా యేసే, క్రీస్తుగా ఋజువు పరుస్తున్నప్పటికిని; స్వనీతి ముసుగులో కఠిన హృదయులై ఆయనను చూడలేనివారు.
శిష్యులు: అనేక ప్రవక్తలు చూడగోరి, చూడలేకపోయిన ఈ మహా యజ్ఞమును, దైవ స్వరూపమును మనము ఇంత దగ్గరనుండి చూస్తున్నందుకు ధన్యులమని గుర్తెరిగి , యెంతో చింత ఉన్నను సిలువ చెంత నడిచిన వారు. వీరు ఆయన ప్రేమను జీవిత కాలము మరచిపోలేక ఆయన నిబంధనను అమలుపర్చినవారు.

యేసుక్రీస్తు ప్రభువు ఎంతో సిలువ శ్రమను అనుభవించి స్థాపించిన నూతన నిబంధనలో గల ఆనందమును ఆయన మనకు దయచేయునుగాక! ఆమేన్.

గమనిక: ఈ శీర్షికలు దేవదాసు అయ్యగారి ప్రసంగములనుండి సంగ్రహించబడినను, these are not direct messages of Devadasu ayyagaaru. So please read సిలువ విలువ - ధ్యాన కలువ/సిలువ ధ్యానములుfor direct messages of ayyagaru.

Comments

Share your thoughts and suggestions

Like this page on Facebook
Tweet this page on Twitter
Tweet
Recommend this website on Google +