విమలాత్మ ప్రోక్షణము: ప్రశ్నలు-జవాబులు(31-35)


31. ప్రశ్న :- పరిశుద్ధాత్మ స్నానము పొందిన అపోస్తలులు, మొదలగువారు భూలోకభాషలు మాటలాడిరి. అయితే పౌలు 1కొరింధి. 14 అధ్యాయములో భాషలను గురించి వ్రాయుచున్నాడు అవి యే భాషలు?

జవాబు:- ఇది 2కొరింథి. 12:2-5లో నున్నది. అది ఏదనిన:
“క్రీస్తునందున్న యొక మనుష్యుని నేనెరుగుదును. అతడు పదునాలుగు సంవత్సరముల క్రిందట మూడవ ఆకాశమునకు కొనిపోబడెను. అతడు శరీరముతో కొనిపోబడెనో నేనెరుగను శరీరము లేక కొనిపోబడెనో నేనెరుగను. అతడు పరదైసులోనికి కొనిపోబడి వచింపశక్యముగాని మాటలు వినెను. ఆ మాటలు మనుష్యుడు పలుకకూడదు. అతడు శరీరముతో కొనిపోబడెనో శరీరము లేక కొనిపోబడెనో నేనెరుగను. అది దేవునికే తెలియును. అట్టివానినిగూర్చి అతిశయింతును.

32. ప్రశ్న :- “కాబట్టి భాషలు విశ్వాసులకుకాదు, అవిశ్వాసులకే సూచకమైయున్నవి” అని 1కొరింథి. 14:22లో ఉన్నది. గనుక అవిశ్వాసులకే భాషలు. ఈ భాషలు వచ్చిన వారందరు అవిశ్వాసులనియెగదా అర్ధము?

జవాబు:- కాదు, అవిశ్వాసులకు భాషలు వచ్చునా? అదేమి వ్యాఖ్యానము! విశ్వాసులైనవారు తమ విశ్వాసమునుబట్టి భాషావరము సంపాదించుట అవిశ్వాసులు చూచి, తాముకూడ భాషను గడించుకొనగల విశ్వాసమును కలిగించుకొన యత్నింతురు. అట్లు విశ్వాసుల భాష స్థితి, అవిశ్వాసులకు పాఠము నేర్పించు నొక సాధనమగును. ఈ యర్థము యుక్తముగ తోచుటలేదా?

33. ప్రశ్న :- పరిశుద్ధాత్మ బాప్తిస్మమును, భాషలతో మాటలాడుటయును, ఇన్నాళ్ళనుండి ఎక్కడ ఉన్నవి?

జవాబు:- ఇన్నాళ్ళనుండి ఇవి మీ చేతిలో నున్న బైబిలులోనే ఉన్నవి.

34. ప్రశ్న :- ఉంటే ఎవరు ఎందుకు బోధింపలేదు?

జవాబు:- బోధించినారు, జరిగిన కధ మాత్రమే బోధించినారు. మనకు కాదని అనుకొన్నందున పరిశుద్ధాత్మ బాప్తిస్మము పొంద యత్నించుడని బోధింపలేదు. నీళ్ళబాప్తిస్నమప్పుడె ఆత్మ బాప్తిస్మమును పొందినామని బోధించలేదు.

35. ప్రశ్న :- వారు ఊరుకొన్నట్టు మీరెందుకు ఊరుకొనరు?

జవాబు:- దేవుడిస్తానన్నది వద్దనడమెందుకు? ఇష్టముగా ఉన్నది గనుక అడిగి పొందుచున్నాము. మీరును పొందవలెనని కోరుచున్నాము గనుక బోధించుచున్నాము.