హెచ్చరిక

---

చేసిచూడండి:- ప్రభువునందు ప్రియులారా! పరిశుద్ధాత్మ బాప్తిస్మము అనే ఈ గొప్ప అంశమును గురించి బహు జాగ్రత్తగా ఆలోచించండి. మీరు ఉంటూ ఉన్న, మీరు వింటూ ఉన్న, ఉంటూ ఉన్న కూటములను ఆధారము చేసికొనక దేవుని వాక్యములో దీనిని గురించియున్న సంగతులను ఆధారము చేసికొనండి.
1) పరీక్ష - కూటముల వృత్తాంతములు బైబిలు వాక్యములకు సరిపోవుచున్నవో లేవో పరీక్షించండి. తొందరపడక శాంతించి దీర్ఘాలోచన చేయండి. కృప మీకు తోడై యుండునుగాక! సత్యసిద్ధాంతములను చూచి అసత్య సిద్ధాంతములని; అసత్య సిద్ధాంతములను చూచి సత్యసిద్దాంతములనియు పొరబడకండి. సంగతులను పూర్తిగా వినక ముందు ఇది తవ్పు అని తీర్మానించకండి. పరిశుద్ధాత్మ మీకిచ్చిన జ్ఞానమును, విశ్వాసమును బాగుగా వాడుకొనుచు సంగతులు తరచండి.
2) తృణీకారము:- పూర్తిగా పరీక్షించనిదె “ఇవి దయ్యాలకూటములు అటువంటి కూటములు” ఇటువంటి వారి కూటములు అని చెడ్డ పేర్లు పెట్టకండి. క్రీస్తు దయ్యము వట్టినవాడనియు సైతాను శక్తివల్లనె అద్భుతములు చేయువాడనియు ప్రభువుకు సైతము చెడ్డపేర్లు పెట్టిన యూదులు ఎంత పొరపాటుపడిరో జ్ఞాపకము తెచ్చుకొనండి.

చేసిచూడండి:-

• 1) పరిశుద్ధాత్మను గురించియున్న దైవ గ్రంథ వాక్యములు బాగా చదువుకొనండి.


• 2) మీరు ప్రార్ధన గదిలోనికి వెళ్ళండి.


• 3) తలుపు వేసికొనండి మోకరించండి. మనో నిదానము అభ్యసించండి. అనగా సమస్తము మరచిపోవుటకును ఒక్కదేవుని మాత్రమే జ్ఞాపకము తెచ్చుకొనుటకు ప్రయత్నించండి.


• 4) తలంపువల్లను, మాట వల్లను, వినికివల్లను, చూపువల్లను, ప్రయత్నమువల్లను, క్రియవల్లను చేసిన పాపములు దేవుని యెదుట ఒప్పుకొనండి. మీ చెడు నైజము ఒప్పుకొనండి. మనుష్యులకు విరోధముగా చేసిన పాపములు మనుష్యుల యెదుట ఒప్పుకొనండి, సమాధానపడండి


• 5) ఇకమీదట తెలిసిన ఏ పాపము చేయకుండ ప్రయత్నించెదనని దేవుని యెదుట ప్రమాణము చేయండి.


• 6) దేవా! నీవేది చెప్పుదువో అదే నేను చేస్తాను అని జెప్పి సమస్తమును దేవునికి సమర్పించుకొనండి.


• 7) ఆ తర్వాత ఆత్మ నిమిత్తము ప్రార్థించి, స్తుతించుచు, కనిపెట్టండి. అపుడు మీ కోరిక నెరవేరును.