నమ్మకమైన సేవ - 1


"అతడు (ఆబ్రాహాము) నమ్మకమైన మననుగలవాడని (దేవుడు) ఎరిగి" (నెహెమ్యా 9:8);


"ప్రాణాపాయము వచ్చినను నమ్మకముగా ఉండుము" (ప్రకటన 2:20) పనిచేయుటకు అనేకములైన ఆటంకములు కలుగుచున్న వారలారా! ప్రాణాపాయము వచ్చినను నమ్మకముగా నుండుము! అని చెప్పబడిన ధన్యత మీకు కలుగును గాక. నెహెమ్యా గ్రంథములో, అబ్రాహామునుగూర్చి "నమ్మకమైన మనస్సు" గలవాడని యున్నది. ప్రకటనలో, ఆపద ఉన్నను నమ్మకముగా నుండుమని ప్రభువు స్ముర్న సంఘముతో చెప్పుచుండెను. నమ్మకమైన మనను గలవాడు, నమ్మకమైన పనిచేయలేదా? చేయగలడు. అయితే, ఆటంకము వలన చేయలేక పోవుచున్నాడు. ఒక మనిషి గంభీరమైన పనిచేయుచున్నాడు, గొప్ప పనిచేయుచున్నాడు. గాని తన మనస్సు నమ్మకమైనది కాదు. అయితే, విధులనుబట్టి చేయుచున్నాడు. ఈ రెండు తరగతుల వారున్నారు. మరియొక వరుస: దేవుడు మనలను నమ్ముట, మనము దేవుని నమ్ముట. మనమందరమును ఈ ప్రశ్న వేసికొనవలెను:

అబ్రాహాము క్రియ చేయకముందే అనగా పని చేయకముందే దేవుడతనిని నమ్మెను. మన సేవనుబట్టి నమ్మకమైన మనస్సుగల వారమని ప్రజలు మనగూర్చి తెలిసికొందురు.


I.
అబ్రాహామునకు

గనుక దేవుడు అబ్రాహాముతో "ఊరు" అను పట్టణమునుండి, నేను చూపించు దేశమునకు వెళ్ళుమని చెప్పినప్పుడు అబ్రాహాము వెళ్ళెను. గనుక అతనికి నమ్మకమైన మనస్సు ఉన్నది. మరియు క్రియకూడ నున్నది. అబ్రాహాము చరిత్రనుబట్టి, దేవుడు బయలుదేరమంటే ఆయన బయలుదేరెను, కుమారుని అర్పించుమంటే ఆలాగు చేసెను. గనుక మనస్సునుబట్టి దేవుడు సాక్ష్యమిచ్చును. క్రియలనుబట్టి మనుష్యులు సాక్ష్యమిత్తురు. నమ్మకమైన మనస్సుగలవారు, నమ్మకమైన క్రియగలవారు నమ్మకమైన ప్రవర్తనగలవారు. నమ్మకమైన సేవచేయగల కొందరు నమ్మకమైన మనస్సు గలవారైనను, ఆటంకములనుబట్టియు, మిషనులనుబట్టియు సరియైన సేవ చేయలేరు. మరియు కొందరు నమ్మకమైన మనస్సు లేకపోయినను ఆచారాలనుబట్టియు, విధినిబట్టియు, భయమును బట్టియు, మెప్పును బట్టియు సేవ చేయుదురు. అబ్రాహాము తన కుమారుని బలివేయవలసినదని, దేవుడు అతనితో చెప్పినప్పుడు బలి వేసినాడా? అతడు అంతరంగములో బలిచేసెను. "మృతులలో నుండి అబ్రాహాము తన కుమారుని పొందెనని" పౌలు తన పత్రికలలో వ్రాసెను. అపనమ్మిక అబ్రాహాము మనస్సులో లేదు. ప్రభువు మనకు ప్రత్యక్షముగా కనబడకపోయినను, ఆయన మనకు ఇచ్చిన వనిని మనము నమ్మకముగా చేయవలెను. తన కుమారుని బలి ఇచ్చుటయే అబ్రాహాము చేసిన గొప్పసేవ. మన మనస్సునకు గొప్ప కష్టమువచ్చే పని దేవుడు ఇచ్చిన యెడల మనము చివరి వరకు చేయగలమా? అబ్రాహామువలె చేయవలెను. అబ్రాహామునకు కఠినమైన పని ఇవ్వబడెను. నేను కుమారుని అర్పించనని చెప్పి వెళ్ళిపోవలసినదే గాని అట్లు చేయలేదు. మొదటి నుండి చివరి వరకు అబ్రాహాము నమ్మకమైన సేవకుడై యున్నాడు. మనకు ఇదే గొప్ప పాఠము. మీరు మీ వనిలో నమ్మకమైన మనస్సు, నమ్మకమైన సేవ రెండును కలిగియున్నారా? కొంతకాలము నమ్మకమైన మనస్సు కలిగియుండిన తర్వాత నమ్మకము పోగొట్టుకొన్నారా? కొంతవరకు నమ్మకమైన పనిచేసి తర్వాత విడిచిపెట్టినారా? నవ్మకమైన సేవ విడిచిపెట్టిన యెడల కొంతకాలమునకు నమ్మకమైన మనస్సుకూడ పోవును. చివరి వరకు నమ్మకమైన మనస్సు, సేవ నిలిచియుండునట్లు దేవుని ప్రార్ధింపవలెను.


II.
దోతాను దగ్గర యోసేపు అన్నలున్నారు. వారు గొర్రెలను మేపుచున్నారు. అక్కడ అన్నలు యోసేపును గుంటలో పడవేసి, అన్నము తినుచున్నారు. పదిమంది చేతులలో యోసేపు ఉన్నాడు. వారి తండ్రియైన యాకోబు, ఆ పదిమంది కుమారులకు యోసేపును అప్పగించెను. వారేమిచేసినారు? గోతిలో పడవేసినారు! మాకు ప్రభువు సంఘములు అప్పగింపవచ్చును, అన్యులను అప్పగింపవచ్చును. మీరు వారిని అమ్ముకొందురా? అన్నలు తమ్ముని అమ్ముకొన్నారు కదా! యోసేపును గోతిలోవేసి, వారు అన్నము తినుచున్నారు. మీకప్పగింపబడిన వారిని మీరేమి చేయుచున్నారు? మీకు అప్పగింపబడిన సంఘములను సరిగాచూచి, వాక్యము చెప్పినయెడల సంతోషమే. ప్రభువు మిమ్ములను నమ్మి - మా చేతులలో పెట్టిన ఆయా సంఘములలోను, పాఠశాలలలోను, గ్రామాదులలోను మీరు నమ్మకమైన సేవచేయుచున్నారా? రేపు తీర్చు దినమందు ప్రభువు అడుగును. మిమ్ములను నమ్మి మీకప్పుగించిన వాటిని ఏమిచేశారు? అని అడుగును. అబ్రాహాము నమ్మకముగా పనిచేసెను గాని అతని మునిమనుమలు అనగా, యాకోబు పదిమంది కుమారులు నమ్మకముగా పనిచేయలేదు.


ఉదా: ఒకరు ఒక కర్రను కొని కుర్చీచేయుమని, వడ్రంగిని నమ్మి ఇచ్చెను. అతనిని నమ్మి ఇచ్చినాము గనుక మంచిచేసిన అతనిదే చెడుచేసిన అతనిదే భారము. నీవు భూలోకములో జీవించినంత కాలములో, ఆయన నీకు పని ఇచ్చినాడు. నీవు నమ్మకముగా సేవచేసి ఉన్నయెడల, అంత్యదినమున ప్రభువు "భళా నమ్మకమైన మంచివాడా"! అని మెచ్చుకొనును.

బైబిలు మిషను సువార్తికుడా! నీవు నమ్మకమైన మనసు కలిగి పనిచేయుచున్నావా? నమ్మకమైన సేవ చేయుచున్నావా? "భళా నమ్మకమైన మంచి సువార్తికుడా!" అను మెప్పు రేపు వచ్చునా? ఆలోచించుకొని, నీ మనస్సాక్షికి నీవే జవాబు చెప్పుకొనుము.