నైజపాప నిర్మూలము

---

ధ్యానపరులారా! సిలువధ్యాన పరులారా! పాలస్తీనా దేశములోని యెరూషలేము పట్టణ సమాపమున ఉన్న కలువరి గిరిపై మూడు సిలువలు మనకు కనబడుచున్నవి. ఈ చరిత్ర పరిశుద్ధుడైన లూకా వ్రాసిన సువార్త 23వ అ॥లో కనబడుచున్నది. ఈ దినమున ఆ మూడు సిలువల చరిత్ర, మా అందరి తలంపులలో యున్నది. ఈ ఉదయమున నేను రెండు సిలువలను గూర్చి మాట్లాడుచున్నాను. ఇద్దరు మనుష్యులను గూర్చి మాట్లాడు చున్నాను. అనగా ఒకే మనిషి రెండు స్థితులలో ఉన్నాడు గనుక ఇద్దరనుచున్నాను; గాని ఒకే మనిషి, ఒకే సిలువను గూర్చి మాట్లాడుచున్నాను. ఒకే వ్యక్తిలో ఏకకాలమందు రెండు స్థితులుండును. అందుకే మరి రెండు సిలువలని సంబోధించుచున్నాను. మీ దృష్టిలో ఇక్కడ ఒక మనిషి ఉన్నట్లును, ఆ ప్రక్క ప్రభువు ఉన్నట్లును భావించుకొనండి. ఇప్పుడు ఈ ఇద్దరి విషయము, ఈ రెండు సంగతులు మరువకున్న యెడల, మీరు ఈ దిన వర్తమానము గ్రహింపగలరు.

• 1. మనిషి
• 2. యేసు ప్రభువు ఉన్నారు.

మానవుని దగ్గర ఒకగది ఉన్నది. ఆ గదే గాక దానిక్రింద మరియొక గదికూడ ఉన్నది. అనగా రెండు గదులు కలవు. అక్కడ యేసు ప్రభువు దగ్గరను యొక గది, దానిక్రింద మరియొక గది కలవు. కాబట్టి ఇక్కడ రెండు గదులు, అక్కడ రెండు గదులు; ఇక్కడ మనిషి, అక్కడ యేసు ప్రభువు ఉన్నారు. ఈ గదుల తలుపులు ఏమనగా సంఘమును, మనిషిని. యేసు ప్రభువును అందులో కనబడతారు. అనగా ఒకవైపున రెండు గదులున్నవి. మరియొక వైపునకూడ రెండు గదులు కలవు.

• 1. దుఃఖచరిత్ర:- పైన ఉదహరించిన రీతిగా మానవుని రెండు గదులలోని మొదటి గదిలో, మానవునియొక్క పాప జీవితము, పాప నైజము కలదు. ఈ రోజు మన పాపమును, పాప నైజమును ఇందులో కనబడును. ఈ పాప నైజమును గూర్చి యేసు ప్రభువు తన మొదటి గదిలో సిలువపై ఉన్నారు. ఈ మానవ పాపి
  • 1. తన నోటితో పాపపు మాటలు పలుకుట మానివేసినందున, ఇప్పుడు ఆ మాటలు పలకనందు వలన మంచివాడే.
  • 2. పాపపు క్రియలు చేయుట కూడ మానివేసెను. కాబట్టి మంచివాడే.
  
  గనుక ఈ మానవపాపి ఎంత ధన్యుడు! గాని తనలోని నైజము మారలేదు. చింతచెట్టు చచ్చిపోయినను, వులువు చావదను ఒక సామెతవలె, పాపపు వాక్కు, క్రియలు మానినను, నైజపాప మట్లే అతనిలో ఉండిపోయెను. గనుక మానవుని దగ్గరనున్న పై గదిలో పాషనైజమున్నది. ఆ గదిలో సింహాసనముపై పాపనైజము కూర్చున్నది. ఈ మొదటి గదిలో పాపపు వాక్కులు, పాపక్రియలు పోయినవి, అయినను మొదటిదైన పాపనైజమున్నది. దీనిని నమ్ముటకు వీలులేదు. ఈ నైజమును ఎందుకు నమ్మకూడదనగా ఉండి, ఉండి మాటలలోనికి ఇది వచ్చివేయను. ఎప్పుడో ఒకసారి క్రియలోనికిని వచ్చివేయును. అందుచేతనే నైజమును నమ్మరాదు. కాబట్టి మానవుని దగ్గరనున్న పై గదిలో నైజముండిపోయినది. అది దురిత నైజము. అది సింహాసనమెక్కి కూర్చున్నది. ఇక ఈ దురితనైజము, ఆ గద్దె దిగదు, దిగబోదు. చెడ్డదూటలు, క్రియలు దిగవచ్చునుగాని ఈ దురితనైజపు వేరు పాతకొని పోయినందున దిగదు. అది ఒక అది గద్దెపై కూర్చున్నది, అనగా మానవ హృదయ సింహాసనముపై కూర్చున్నది. ఇది చాల విచారకరమైన కథ. క్రైస్తవులలోను, ఇతరులలో కూడ ఇది యున్నది. కాబట్టి మన మిప్పుడేమి చేయవలెను! ఆ పాప నైజమును క్రిందికి దింపవలయును. బలవంతముగనైనను దింపవలయును. అది మొండికత్తి దిగనే దిగనని అనును. ఇక గత్యంతరములేక తాను చనిపోవు సమయమందైనా అది దిగవచ్చుననుకొని, మనిషి సంతుష్టిపడును. అయితే, "నా మాటలలో పాపములేదు, నా క్రియలలో పాపము లేదనే సంతోషమే విశ్వాసికున్నది" గాని తన నైజములో పాపము ఉండిపోయినదని తెలిసికొనడు. ఆలాగు సంతుష్టి పడుటయే నైజము గనుక దానిని క్రిందికి దింపవలయును. అది గద్దెపై కూర్చున్నది కాబట్టి దానిని క్రిందికి దింపవలయును. మనిషి ఎంత మంచివాడైనా, అతని నైజము సింహాసనముపైనే యున్నది అనగా అతడింకా ఆ సింహాసనముపైనే ఉన్నాడు. ఇదియే చాల విచారకరమైన దుఃఖచరిత్ర


• 2. గద్దెపై మానవుని ఆనందము:- ఇక్కడ ఒక ప్రక్క మనిషి ఇక్కడే మరొక ప్రక్క ప్రభువును ఉన్నారు. మనిషి పాపనైజ సింహాసనముపై ఉండుట చూచి, ప్రభువు సిలువపై ఉన్నారు. మనిషి సింహాసనముపైనను, యేసు ప్రభువు సిలువపైనను ఉన్నారు. మనిషి తన నైజ సింహాసనముపై కూర్చొని, యేను ప్రభువును సిలువ ఎక్కించినాడు. వెనుకటి కధలో (2000 సం॥ల క్రితము జరిగిన చరిత్రలో), దుష్టులు ప్రభువును సిలువపైకి ఎక్కించినట్లు; ఇక్కడ ఇతని దుష్టనైజమే, ప్రభువును సిలువపైకి ఎక్కించినది. ప్రభువు సిలువపై బాధ పడుచున్నారు, మానవుడు గద్దెపై ఆనందించు చున్నాడు. ప్రభువు విచార స్థితిలో నున్నారు. అయితే సింహాసనముపై ఉండే రాజునకు సంతోషమే కదా! సిలువపై నున్న యేసు ప్రభువునకు ఏమి సంతోషము? బాధేకదా! ఈ మనిషి నైజమే ప్రభువును సిలువవేసినది, అనగా ఈ మనిషే యేసు ప్రభువును సిలువ వేసెను. ఇది పూర్వకాలపు నాటిది కాదు. ఈనాడే, ఈ మనిషే సిలువవేయు చున్నాడు. అనగా ఈ దినములలో, "మేము మంచివారము" అని అనుకొనినవారే ప్రభువును సిలువవేయు చుండిరి. అనగా మనమే ఆయనను సిలువ నెక్కించినది. మన ఆరాధనలో, ఈ కాలసంఘములో, ఇట్టి పాపనైజము కలవారు ఉన్నయెడల, అట్టివారు తమ నైజపాపపు సింహాసనముపైనుండి దిగి, ప్రభువును తమ హృదయ సింహాసనముపై కూర్చుండ బెట్టవలయును. ఇప్పుడు మొదటి రెండు గదుల చరిత్ర ఫూర్తియైనది. నాలో ఏ తప్పు, ఏ పాపము లేదనుకొను వారిలో పాపనైజమున్నదేమో పరీక్షించుకొని, దానినిప్పుడే సింహాసనముపైనుండి దించివేయవలెను. దానిని దించాలని ప్రయత్నించుట ఎందుకనగా, పాపనైజమునకు దిగే శక్తి, స్వభావము లేదు. దించివేయాలని మనకు రోజూ ఉన్నా, "దిగేది లేదు" అని అది దిగదు, దిగబోదు. మనము దానిని దించివేయలేము గనుకనే ప్రభువు వచ్చి, దానిని దించివేయుటకు సిలువనెక్కెను.
  
  సిలువయే నీ కిక్కడ గద్దె నా - సిలువయె దాని పై నుండు = సిలువలు రెండు నిన్ను పై గద్దెకు - సిద్ధము చేయును యుద్ధ సమాప్తి ॥మనో॥


• 3. ప్రభువు సిలువపైనుండి దిగి సింహాసన మెక్కుట:- మనిషికి తనయొక్క రెండవ గదిలో, యేసుప్రభువు యొక్క బోధలవలన, క్రియలవలన తనలోని పాపనైజమును తీసివేసి కొనినాడు. గనుక యేసు ప్రభువు యొక్కబోధ, క్రియల వలన మనిషి తన నైజమును తానే సిలువకు అంటగొట్టి, "ఓ పాప నైజమా/ నీవు నాకు అక్కరలేదు" అని తన నైజాన్ని తానే సిలువ వేసినాడు. ఈ మానవుడు, పై గదిలో యేసు ప్రభువును సిలువవేసెను. రెండవ గదిలో తనను తానే సిలువ వేసికొనెను. పైగదిలో గద్దెపైనున్న తానే, ఈ గదిలో సిలువపైనున్నాడు. కావున తన నైజము ఇక తననేమియు చేయలేదు.
  
  రెండవ వరుసలో: మొదటి గదిలో సిలువపైనున్న ప్రభువు, ఇప్పుడు క్రిందిగదిలో నున్న సింహాసనముపై కూర్చున్నారు. మొదటి వరుసలోని, మొదటి గదిలో సింహాసనము పైనున్న మనిషి మారుమనస్సు పొంది రెండవ గదిలో సిలువనెక్కెను గనుక ప్రభువునకు సంతోషము. ప్రభువు, తన మొదటి గదిలో ఉన్న సిలువ సింహాసనము నుండి దిగి, రెండవ గదిలోని అత్యున్నతమైన (హృదయ) సింహాసన మెక్కినారు. పాప క్రియలు, మాటలు, పాప జీవితము, పాప నైజము గల మానవుడు ప్రభువుయొక్క బోధవలన, క్రియలవలన మార్పు చెందెను. అరిమతియియ యోసేపు, కురేనీయుడైన సీమోను అనువారు, కలువరిగిరిలో వ్రేలాడుచున్న ప్రభువును సిలువపైనుండి దించినట్లు, ఈ పాపి తన మార్పు ద్వారా, ప్రభువును సిలువపైనుండి దించి, సింహాసనముపైన కూర్చుండబెట్టెను. మొదటిగదిలో యేసు ప్రభువు సిలువపైన, మనిషి సింహాసనముపైన కలరు. రెండవ గదిలో మనిషి సిలువపైన, ప్రభువు సింహాసనముపైన ఉన్నారు. అనగా మనిషి సిలువనెక్కి ప్రభువును తన సింహాసన మెక్కించెను.
  

ఈ నాలుగు గదులు మనిషి జీవితము నుండి ఏరుకొన్నవి. ఆ రెండు గదులకు, ఈ రెండు గదులకు మధ్య కొన్ని ప్రశ్నలున్నవి.

1వ ప్రశ్న: ఓ విశ్వాసీ! నీవెక్కడ ఉన్నావు? పైగదిలో ఉన్న సింహాసనము పైనా లేక క్రింది గదిలో ఉన్న సిలువపైనా?

2వ ప్రశ్న: ఓ విశ్వాసీ! యేసు ప్రభువును సిలువ ఎక్కించినావా? లేక సిలువపై నుండి దించినావా? ఆయనను సిలువపైనుండి దించి, సింహాసన మెక్కించినావా?

సిలువపైనుండి ప్రభువును దించినయెడల, ఆయనను సంతోషపరచి గంభీర ఆరాధన చేయుదువు లేదా ఆయనను సిలువనెక్కించి, ఆయనను తృణీకరించెదవు. లూకా సువార్తలో, హేరోదు ప్రభువును తృణీకరించి అపహసించెనని వ్రాయబడి యున్నది. ఈ దినములలో మనము కూడ ప్రభువును అట్లే చేస్తూ ఉన్నామని; ఆలాగు చేయువారికిని, మనకును తెలియక పోవచ్చును. మనకు తెలిసినా తెలియకపోయినా, ఏదో యొక గదిలో మనముండి తీరవలయును గనుక పరీక్షించుకొనవలెను. "నేను ఏదో ఒక పొరభాటువలన సింహాసనము పైనుంటే ప్రభువు సిలువపై నుండును" అని గ్రహించుకొనవలెను. అప్పుడు నాలో కాదుగాని, సిలువపైనే ప్రభువుకు చోటు. మన హృదయము సిలువపైనున్న యెడల, ఆయన సింహాసనముపై యుండును. యేను ప్రభువు నీ హృదయ సింహాసనముపై యుంటే, నీవు ఆయన పాదములయొద్ధ కూర్చుండి నమస్కారము చేయుదువు. పాపాత్మురాలు యేసు ప్రభువు పాదములయొద్ద కూర్చున్నది. ఇప్పుడు ఆమె ఆయన పాదములయొద్ద పరిశుద్దురాలుగా ఉన్నది గాని పాపాత్మురాలుగా మాత్రము కాదు. పాపాత్మురాలు పరిశుద్దురాలైనది. అపరంజిని పోలిన పాదములు గల ప్రభువు నా హృదయ సింహాసనముపై యుంటే నేను ఎంత ధన్యుడను! ఎంత ధన్యురాలను? అని సంతోషింప వలయును. ఈ వర్తమానము చాలా గొప్పది. ఒక ప్రశ్న ఓ విశ్వాసీ! నీవు నీ పాపములను బట్టి యేసు ప్రభువును సిలువ మీద ఉంచినావా? లేక నీ మారుమనస్సును బట్టి సింహాసనము మీద ఉంచినావా? ఈ దినము మనమందరము ప్రభువుతో, "ప్రభువా! నీవు నా హృదయములో సింహాసనముపై కూర్చుండుము" అని చెప్పవలెను.

ఉదా: యేసు ప్రభువు తన 12మంది శిష్యులతో మాటలాడుచు, "మీలో ఒకడు నన్ను అప్పగింపనైయున్నాడని చెప్పెను. అంతట ఆ శిష్యుల హృదయము గలిబిలియై, ప్రభువా! నేనా?నేనా? అని ఆయనను అడిగిరి. గనుక ఈ దిన ధ్యాన కూటములో, ప్రభువా! నిన్ను సిలువ ఎక్కించేవారు అనేకులు ఈ లోకములో ఉన్నారు, అయితే నేను నిన్ను సిలువ నెక్కించుచున్నానా! అని ప్ర శ్నించుకొన వలయును. అప్పుడు ప్రభువు ఇచ్చు జవాబు బైబిలులో ఉన్నది. ప్రభువు 11 మంది శిష్యుల వైపుచూచి, మీరందరు పవిత్రులేగాని మీలో ఒకడు పవిత్రుడు కాడనెను. ఆలాగే సిలువ ధ్యాన సమయమందు ప్రభువు - మీరందరు పవిత్రులే, మంచివారేగాని ఒక్కడే ఇక్కడ అపవిత్రుడై ఉన్నాడంటే ఎంత సంతోషము! ఒక్కడైయున్న ఆ యూదావంటి వారమై మనమున్న యెడల, అందరి ముందు ప్రభువునకును, తక్కిన వారికిని విచారమే.

యేసు ప్రభువు యెదుట మనిషి తన చెడ్డ నైజము దాచుకొని, దాచుకొని తనంతట తానే బైటపెట్టుకొనును. యూదా తన చెడ్డనైజమును 3 1/2 సం॥లు దాచిపెట్టి, తనంతట తానే బైటపెట్టెను, ఎవరును బయటపెట్టలేదు. యూదాలో నుండి చెడ్డనైజము బైటికి వచ్చినట్ట్లు, ప్రభువులో నుండి మంచి నైజము బయటికి వచ్చెను. యేను ప్రభువులో గొప్ప ప్రేమ ఉన్నదిగాన దాచుకొనలేక పోయెను. అనేక వందల పర్యాయములు ఆ ప్రేమ చూపించి, చూపించి చివరకు సిలువపై ఆ ప్రేమను సంపూర్ణముగ చూపించెను. అప్పుడు పాపి ప్రభువు దగ్గరకు వచ్చి, ప్రభువా! నీవు ఎంత ప్రేమగలవాడవో ఇప్పుడు తెలిసినది. పాత నిబంధనలో నీ ప్రేమ తెలిసినది గాని ఇంత ప్రేమయని అప్పుడు తెలియలేదు, ఇప్పుడు బాగా తెలిసినది. నీ ప్రేమ అంతా, నీ రక్తమంతా నీ శరీరమంతా "నాకొరకే ధారపోసినావు" అని అనును. ఈ ప్రకారముగా నీ ప్రేమ అంతా, దాచుకొనక బయటపెట్టి, అందరికిని చూపించినావని స్తుతించును. ప్రభువు సిలువ నేలకు తాపడము చేయబడక, పైకెత్తి చూపించబడెను. యేసు ప్రభువు యొక్కసిలువ ఏ రీతిగా పైకెత్తి చూపించబడినదో, ఆలాగే ఇప్పుడును ఆయన ప్రేమ, శరీరము, రక్తము పైకెత్తబడి చూపింపబడుచున్నవి. ఆయన మన నిమిత్తము తన జీవనమంతా ధారపోసినాడు. ఈ దినము 3 గం॥ల వరకు ధ్యానంలో ఉండండి. అట్టి ప్రభువు విషయము ధ్యానించండి. దేవుడు మిమ్మును దీవించును గాక! ఆమేన్.