76. దైవసన్నిధి

రాగం: మోహన తాళం: మిశ్రచాపు

దేవరాజ పుత్రులమై - తేజరిల్లుదము = దేవ పుత్ర స్వాతంత్ర్యముతో దేవుని చేరుదము - దేవుని చేరుదము - దేవుని చేరుదము || దేవ ||


1. హృదయ వాంఛలన్ని ప్రభుని - ఎదుట పారవేయుదము = ముదముతో ఆ ప్రభుని చూచి- ముద్దు బెట్టుకుందాము - ముద్దు బెట్టుకుందాము - ముద్దు బెట్టు కుందాము || దేవ ||


2. ^*ప్రభువు వచ్చియున్నాడడిగో - ^**ప్రార్థనల్ చేయండి = ఉభయుల మేకీభవించి - ఒక్కరముగ వేడుదము - ఒక్కరముగ వేడుదము ఒక్కరముగా వేడుదము || దేవ ||


3. చేసిన పాపములన్ని - చెప్పి వేయుదము = దోసములు క్షమియించు మనుచు - దోసి లొగ్గి వేడుదము దోసిలొగ్గి వేడుదము దోసిలొగ్గి వేడుదము || దేవ ||


4. కన్నీళతో కఠిన మనస్సు - కరిగించు కొందాము = అన్ని పాపములను విడిచి - ఆత్మను బొందుదము ఆత్మను బొందుదము - ఆత్మను బొందుదము || దేవ ||


5. చేసిన పాపంబుల్ మరల - చేయక నిల్చుదము = యేసు ప్రభుని అడిగి బలము - ఎపుడును బొందుదము - ఎపుడును బొందుదము - ఎపుడును బొందుదము || దేవ ||


6. యేసు ప్రభువు నిన్ను చూచి - రమ్మను చున్నాడు = నీవు రాక వెనుక తిరిగి - చూచు చున్నావు - చూచు చున్నావు - చూచు చున్నావు || దేవ ||

---

*ప్రభువు అనుమాటకు బదులుగా ఈ మాటలు వాడుకొన వచ్చును.
1. తండ్రి   2. యేసు   3. రాజు   4.ఘనుడు   5.ప్రియుడు   6. కర్త   7. స్రష్ట   8. ధాత   9. ఆత్మ

** ప్రార్ధనలు చేయండి అను మాటకు వీటిని కూడా వాడుకొనవచ్చును.
1. స్తొత్రములు.   2. వందనములు   3. అర్పణలు   4. గానములు   5. మన్ననలు.

---